Bowtie

保險知識

睇中醫claim保險 4大注意事項你要知!

越來越多市民喺唔舒服嘅時候選擇睇中醫,唔少醫療保險都將中醫列入保障範圍之內。不過,由於大家對中醫仍相對陌生,唔少朋友索償時都遇上問題,例如幫襯咗未有承包嘅中醫醫療項目,或者係手頭上文件不足,而影響到索償。今次Bowtie就搵嚟GoBear的阿睥教你,其實只要睇清楚保單條款同準備所需文件同單據,睇中醫其實都一樣claim得到。
作者 GoBear
日期 2019-07-29
更新 2020-09-17
目錄
1. 註冊中醫2. 記得攞齊收據同藥方3. 了解賠償項目和限制4. 留意索償次數限額

自從政府通過《中醫藥條例》,承認中醫嘅專業地位同安全之後,越來越多市民喺唔舒服嘅時候選擇睇中醫,唔少醫療保險都將中醫列入保障範圍之內。不過,由於大家對中醫仍相對陌生,唔少朋友索償時都遇上問題,例如幫襯咗未有承包嘅中醫醫療項目,或者係手頭上文件不足,而影響到索償。今次GoBear的阿睥就教你,其實只要睇清楚保單條款同準備所需文件同單據,睇中醫其實都一樣claim得到。

1. 註冊中醫

雖然《中醫藥條例》列明在港執業嘅中醫必須先行註冊,獲得執業證明書,但市面上仍有部分未有註冊嘅中醫執業,由於佢地並未得到保險公司嘅認可,所以可能會影響相關嘅醫療保險索償。因此各位喺睇中醫之前,需要先留意中醫診所/醫館有無張貼有效嘅執業證明書。如果對醫師嘅執業資格有所懷疑,亦可以喺香港中醫藥管理委員會網頁度查看註冊中醫名單同佢嘅地址。如果該名醫師喺名單內,日後需要索償保險時自然少一樣擔心。

2. 記得攞齊收據同藥方

除咗要留意中醫有無註冊外,診症完後都需要留意醫生有無提供足夠文件,例如中醫診金收據同藥方(處方盞),以便索償。有啲中醫館或未必能提供電子打印收據,大家就要留意自己份醫療保險接唔接受手寫本嘅單據同藥方,以免診後未能成功索償。

3. 了解賠償項目和限制

最後,亦都係最影響保險理賠嘅部分:中醫治療保障項目同限制。同西醫唔同,有時候睇中醫都唔一定係為咗醫病,而係為調理身體同保健等原因,而醫療保險就對相關嘅項目限制較多,例如有保險公司對預防性治療,或者非醫療上需要嘅治療係一概唔承保嘅;而唔同公司對有關嘅中醫項目都有唔同限制,例如跌打、針灸、推拿、中藥壓力治療等,就唔係所有醫療保險都有承包,各保險公司對有關項目都有唔同要求同限制。大家投保前記住先了解保單保障嘅內容同各自需要嘅文件,先按自己需要選擇合適嘅保單同中醫療程。

4. 留意索償次數限額

另外,醫療保險通常對治療數量有一定限額。如果受保人相對傾向中醫治療,就應該揀返中醫治療限額較多嘅醫保計劃,亦有保險公司會將中、西醫療合併為一個項目,一併計算一個較大嘅限額,咁就更加切合傾向利用中醫治療嘅受保人嘅需要,亦都唔會浪費醫療保險中用唔晒嘅西醫限額啦。

投保之前,記得了解自己真正需要,再好好比較唔同嘅醫療保險計劃,先可以揀到一份最適合自己嘅醫保,確保自己得到足夠嘅保障!

分享
* 本文章內容由 GoBear 提供並只供參考,不代表 Bowtie 立場,Bowtie 對任何人因使用或誤用任何信息或內容,或對其依賴而造成的任何損失或損害,不承擔任何責任。

相關文章

【船P】出海遊船河 有意外保都要留意的事 【船P】出海遊船河 有意外保都要留意的事
保險知識

【船P】出海遊船河 有意外保都要留意的事

買醫保,有些項目總是賠不足?了解什麼是「共同保險」! 買醫保,有些項目總是賠不足?了解什麼是「共同保險」!
保險知識

買醫保,有些項目總是賠不足?了解什麼是「共同保險」!

買了醫保,入院也要自付數萬元?即睇如何減低墊底費支出! 買了醫保,入院也要自付數萬元?即睇如何減低墊底費支出!
保險知識

買了醫保,入院也要自付數萬元?即睇如何減低墊底費支出!

想了解更多資訊或優惠,
歡迎透過表格聯絡我們。
其他話題

客戶服務熱線

3008 8123
WhatsApp 對話

熱線及中心服務時間

星期一至五:上午 9 時至下午 7 時
星期六:上午 10 時至下午 2 時
星期日及公眾假期休息

電郵查詢

cs@bowtie.com.hk

© 2020 保泰人壽保險有限公司。版權所有。

我們檢測到您的瀏覽器已經過時。如要得到最佳的瀏覽體驗,請更新或使用其他瀏覽器。 知道了