Bowtie

自願醫保

自願醫保包精神科住院 私院病床僧多粥少有段故?

本港提供精神科專科病房嘅私家醫院為數唔多。即使政府喺2019年4月推出自願醫保,當中嘅「標準計劃」,涵蓋每保單年度最多$30,000嘅「精神科治療」,但係有關賠償僅適用於住院治療,而門診同心理輔導就唔喺受保障範圍之內。私院精神科病床僧多粥少,自願醫保實際上點可以喺有人滿之患嘅公立醫院體系起到分流作用?
作者 imSure
日期 2019-08-21
更新 2020-09-16
目錄
私院少設精神科病房有原因 私院精神科病房少令保障或形同虛設保障擴至門診輔導有利病人

本港提供精神科專科病房嘅私家醫院為數唔多。即使政府喺2019年4月推出自願醫保,當中嘅「標準計劃」,涵蓋每保單年度最多$30,000嘅「精神科治療」,但係有關賠償僅適用於住院治療,而門診同心理輔導就唔喺受保障範圍之內。睇到呢度你可能會問:私院精神科病床僧多粥少,自願醫保實際上點可以喺有人滿之患嘅公立醫院體系起到分流作用?

私院少設精神科病房有原因 

近年唔少私家醫院都拒收精神病患者留院治療,原因有迹可尋。回帶去返2000年,一名患有產後抑鬱症嘅女士,喺某間私家醫院精神科留醫期間由平台墮地重傷,導致全身癱瘓,家屬之後向院方同主診醫生提出民事索償。案件擾攘11年後最終庭外和解,涉事嘅醫院同醫生要向當事人賠償過千萬。

自此,基於風險管理,好多私家醫院開始唔收精神病患者,而精神科醫生亦只能夠將病人直接轉介至公立醫院。此外,過去市民對精神健康認知同關注度都無依家咁高,本身已經唔多私家醫院提供精神科住院服務。久而久之,就形成今日「有錢無掟醫」嘅局面。

然而,世界衛生組織估計去到2020年,抑鬱症將躍升全球第二大疾病,僅次於心血管疾病;而本港喺2017/18年度公立醫院精神科日間醫院就診人次就超過22萬,比起6年前急增近一成九,由此可見市民對呢項都市病嘅治療需求漸趨緊張。自願醫保嘅出現,就好似再次激活咗私家醫院精神科病房嘅供應。

位於港島南區嘅港怡醫院,今年2月底開設全港唯一嘅「行為健康科病房」,任何14歲或以上、身體狀況穩定嘅非緊急精神科病人,只要獲醫生轉介或者建議就可以入住。院方暫時只提供4間雙人房、共8張病床,其中1間病房更可轉做單人房,以切合病人要求高私隱度嘅需要。

私院精神科病房少令保障或形同虛設

院方不諱言設立精神科病房,係為咗滿足政府嘅發牌條件。睇返自願醫保「標準計劃」下嘅$30,000精神科住院保障,只係靠近乎獨市嘅8張病床滿足,效果有幾大可想而知。況且港怡表示,暫時唔收有自殺或暴力傾向,或不能自控嘅重症個案。

因此,就算買咗自願醫保,基於病情嚴重程度同埋私院病房不足等因素,受保人或者都要繼續忍受喺公立醫院長期輪候嘅煎熬。

保障擴至門診輔導有利病人

不過,行前一小步,都總好過原地踏步。若果市場有足夠誘因,吸引其他私家醫院或療養院仿傚,增設精神科住院服務,固然係最理想。否則,就要靠政府同持份者有足夠條件,未來將自願醫保保障範圍擴展至門診同心理輔導,甚或將設立精神科病房列為私院續牌條件,長遠先可以擴大自願醫保嘅效益,令精神病人獲得更全面嘅保障。

分享
* 本文章內容由 imSure 提供並只供參考,不代表 Bowtie 立場,Bowtie 對任何人因使用或誤用任何信息或內容,或對其依賴而造成的任何損失或損害,不承擔任何責任。

相關文章

【imSure自願醫保調查】幫家人同自己買 主要諗啲咩? 【imSure自願醫保調查】幫家人同自己買 主要諗啲咩?
自願醫保

【imSure自願醫保調查】幫家人同自己買 主要諗啲咩?

【自願醫保保費比較】61至70歲退休人士「標準計劃」保費幾錢? 【自願醫保保費比較】61至70歲退休人士「標準計劃」保費幾錢?
自願醫保

【自願醫保保費比較】61至70歲退休人士「標準計劃」保費幾錢?

Bowtie CEO及醫務總監對VHIS有何看法? Bowtie CEO及醫務總監對VHIS有何看法?
自願醫保

Bowtie CEO及醫務總監對VHIS有何看法?

想了解更多資訊或優惠,
歡迎透過表格聯絡我們。
其他話題

客戶服務熱線

3008 8123
WhatsApp 對話

熱線及中心服務時間

星期一至五:上午 9 時至下午 7 時
星期六:上午 10 時至下午 2 時
星期日及公眾假期休息

電郵查詢

cs@bowtie.com.hk

© 2020 保泰人壽保險有限公司。版權所有。

我們檢測到您的瀏覽器已經過時。如要得到最佳的瀏覽體驗,請更新或使用其他瀏覽器。 知道了