保險知識
香港嘅醫療保險有好多種類，每種均針對不同情況而各有所長。一般市民認識最多嘅應該係實報實銷嘅醫療保障計劃，即係去診所睇病或不幸入院進行手術嘅話，可透過醫院收據進行索償，醫療支出係幾多就 Claim 幾多。
住院現金就有啲唔同，亦係較少人認識嘅一種，故此 GoBear 為大家講解一下住院現金，以及其特別之處。
咩係住院現金？
「住院現金」顧名思義就係當你不幸入院進行治療時，保險公司會為你賠償住院期間失去的工作收入，屬於一種財政保障。不論你係住私家病房抑或普通病房、入住政府抑或私家醫院、實際醫療開支多少都好，受保人均可按住院日數獲得現金回贈。
假設你投保嘅計劃係包每日 $2,000 嘅住院現金，即係住院 1 日可得 $2,000，住 5 日就可獲 $10,000 嘅現金賠償。不少住院現金計劃更會設有雙倍現金保障，因應受保人需要而提供更大筆的賠償，例如係入住深切治療病房、證實患上癌症或染上特定傳染病等。
而且，住院現金一般唔會同你嘅其他醫療保障計劃有所衝突，你仍享有其他醫療保障計劃嘅賠償。
點解需要住院現金？
普通醫療保險實報實銷嘅索償方法可以免去你大部份醫療開支，但唔一定可以覆蓋所有支出，例如好多醫療保險會設有索償上限、墊底費或只可賠償某個百分比等。
即使投保嘅計劃已覆蓋所有開支，因入院而需停工期間所失去嘅收入仍有機會為你帶來財政壓力，所以住院現金特別適合自僱人士例如的士司機、髮型師或地盤工人等日薪工種。
住院現金可配合實報實銷嘅醫療保額，為你提供更靈活嘅保障。假設受保人因病入院，醫療保險可覆蓋全部或一部份醫療開支，住院現金則可用作生活費。
又或者受保人並唔係嚴重病患，但醫生則建議留院觀察，好多人或會考慮到會失去工作收入（特別係「手停口停」嘅工種）而拒絕建議，長遠會危害身體健康，住院現金則可讓你安心接受檢查。
住院現金確有其獨有好處，但不代表可完全取代醫療保障，因為住院期間支出繁多，住院現金亦不能足以覆蓋所有費用。住院現金同醫療保障應該係相輔相成，你可同時購買以更全面地保障醫療開支及個人收入損失。
Bowtie 醫療保險產品
*BowtieCash 獎賞計劃 – 助你索償時，支付任何超過保泰自願醫保計劃賠償額的合資格醫療費用，須受有關條款約束。詳情請參閱推廣活動細則。
*Bowtie 自願醫保標準計劃的保費近乎於所有年齡層為市場上最低，包括 0 至 75 歲的男性及女性；資料來自食衞局網頁於 2020 年 4 月 1 日提供的保費資料。
#根據食衞局網頁於 2019 年 6 月 26 日提供的保費資料。如對上述比較有任何查詢，歡迎聯絡 Bowtie 客戶服務專員查詢。
延伸閱讀︰比較住院現金保險、一般醫保、自願醫保等香港 6 大醫保！
作者簡介：
GoBear是個簡單易用而又覆蓋全面的理財產品比較網站，由保險、信用卡到貸款等等，隨時隨地幫你睥實好價，產品詳情幾秒鐘一目了然，讓你用最短時間，挑選出最啱自己心水的產品。
*本文章內容由 GoBear 提供並只供參考，不代表 Bowtie 立場，Bowtie 對任何人因使用或誤用任何信息或內容，或對其依賴而造成的任何損失或損害，不承擔任何責任。
相關文章
其他話題