保險知識

醫療保險理賠索償必讀6大Q&A(附自願醫保索償程序)

買得醫療保險,當然希望喺檢查同治療之後可以成功Claim到保險。不過,如果你唔係喺醫療或者保險行業工作,真係未必熟悉理賠程序。最怕就係做錯咗啲索償步驟,或者拎唔齊證明文件,搞到claim唔到錢。 Bowtie 資訊團隊整理咗6大索償常見問題俾大家參考吓!
作者 Bowtie 團隊
日期 2020-09-01
更新 2021-02-08
目錄
1. 非住院手術可以Claim 保險嗎?2. 如無事先通知保險公司係咪無得Claim?3. 一定要醫生填寫索償表格?4. 遲咗就會Claim唔到?5. 如果外地旅行時入院有冇得Claim?6. 例行身體檢查有冇得Claim?Bowtie自願醫保嘅索償程序

1. 我要做一個小手術,醫生建議喺門診度做,但我只係得住院保險,非住院手術係咪唔可以Claim 保險呢?

自願醫保計劃於2019年4月推出,此醫保計劃嘅外科醫生費係會賠償受保人住院期間或者喺日間手術中心做手術嘅費用。只要情況符合保單條款,即使手術係喺門診或日間手術中心度進行,都照樣會受保。

2. 我因為急病入院,無事先通知保險公司,亦都無做賠償估算,醫療費用係咪無得Claim?

其實入院之前未必一定要向保險公司備案,不過最好喺入院前先了解索償需要遞交嘅文件,咁當你出院時,就可以第一時間檢查醫生/醫院發出嘅文件係咪已經足夠去Claim錢。如果有遺漏,就可以即時問醫生/醫院拎返齊。

醫療保險理賠索償必讀6大Q&A!

3. 我無俾醫生填寫索償表格,會唔會Claim唔到保險?

保險公司賠償部會根據醫生填寫嘅索償申請表,以及醫院發出嘅文件去審批索償。如果遞交嘅資料唔足夠,客戶有可能要遞交補充文件,或者由保險公司向醫生/醫院索取文件,以獲得足夠資料去審批個案。

4. 我出院之後因為要休養同覆診,所以遲遲都未向保險公司申請索償,啲醫療費用會唔會Claim唔到?

每間保險公司都有唔同嘅索償申請限期,一般由30日至90日不等。保險公司會因應客戶唔同嘅情況,去處理喺申請限期後遞交嘅索償申請。如果有合理解釋,好多保險公司都會酌情處理。

5. 我去外地旅行時,因為有急病要喺當地入院治療。我無買旅遊保險,只係買咗自願醫保,究竟Claim唔Claim到呢?

自願醫保嘅保障屬於全球性#,就算受保人喺外地住院,都會照樣受保。不過,申請索償時要留意,喺外地出院嘅時候,記得要向醫生/醫院要求拎返有關嘅醫療文件,例如係醫生填寫嘅索償申請表、醫院發出嘅收據正本、檢驗報告等。

如果醫療文件唔齊,分分鐘要返到香港之後先再向當地嘅醫院申請,或者需要更長嘅時間先可以集齊文件再提交索償申請。

  • #精神科住院治療僅限在本港醫院進行

6. 醫生建議我要每年都做例行嘅身體檢查,我又有買自願醫保,檢查費有冇得Claim返?

一般例行嘅身體檢查係自願醫保保單嘅不保事項,檢查費用要自費啦。

睇咗以上嘅常見問題,相信大家對醫保索償嘅範圍同程序都多咗了解。不過,當健康出現問題,要睇醫生、接受治療、做手術嘅時候,大部份人難免都會擔心自己嘅醫療開支係咪Claim得返,亦都怕要面對繁複嘅索償程序同處理有關嘅證明文件。

Bowtie自願醫保嘅索償程序

其實唔使太擔心,Bowtie自願醫保嘅索償程序十分簡單,所有索償申請只需要經網上遞交,同時間會有索償專員為客戶跟進個案,協助進行賠償估算,同埋提供索償進度查詢。

想了解Bowtie自願醫保索償程序?即刻去片:

分享
本文章內容由 Bowtie 團隊 提供並只供參考,不代表 Bowtie 立場,Bowtie 對任何人因使用或誤用任何信息或內容,或對其依賴而造成的任何損失或損害,不承擔任何責任。
Bowtie

相關文章

吸煙習慣、性別之外,有何因素會影響醫療保險最終報價? 吸煙習慣、性別之外,有何因素會影響醫療保險最終報價?
保險知識

吸煙習慣、性別之外,有何因素會影響醫療保險最終報價?

【交通意外】意外處理程序、和解及保險索償需知 【交通意外】意外處理程序、和解及保險索償需知
保險知識

【交通意外】意外處理程序、和解及保險索償需知

【家居保險】專家話你知比較時需要注意的7件事! 【家居保險】專家話你知比較時需要注意的7件事!
保險知識

【家居保險】專家話你知比較時需要注意的7件事!

想了解更多資訊或優惠,
歡迎透過表格聯絡我們。
其他話題

電郵查詢

一般查詢
hello@bowtie.com.hk
傳媒查詢
media@bowtie.com.hk
合作推廣
partner@bowtie.com.hk

© 2021 保泰人壽保險有限公司。版權所有。

我們檢測到您的瀏覽器已經過時。如要得到最佳的瀏覽體驗,請更新或使用其他瀏覽器。 知道了