> ## Content Index
> Fetch the complete content index at: https://www.bowtie.com.hk/learn/llms.txt
> Use this file to discover other available public pages before exploring further.

# 【行山】新手必讀！15條入門行山徑、路線、裝備及注意事項
- URL: https://www.bowtie.com.hk/learn/行山-新手-行山徑-路線-裝備/
- Published: 2019-07-22T09:34:00.000Z
- Updated: 2026-11-13T03:57:15.000Z
- Description: Bowtie 資訊團隊整合行山前嘅應有準備，以及行山時嘅注意事項，更為行山新手推介15條入門路線，等大家可以安全咁享受行山樂趣！
- Author: Bowtie 團隊
- Tags: 運動貼士

行山要行得安心，就必須要揀啱自己嘅行山路線，學習基本行山知識同謹記安全守則！Bowtie 資訊團隊整合行山前嘅應有準備，以及行山時嘅注意事項，更為行山新手推介15條入門路線，等大家可以安全咁享受行山樂趣！

好多人都鍾意趁假期去行山郊遊，但一旦遇上惡劣天氣，加上山路崎嶇，就會好易發生意外。

根據[立法會文件](https://www.info.gov.hk/gia/general/202103/17/P2021031700424.htm?ref=bowtie.com.hk)中消防處的紀錄顯示，2020年在山嶺事故中的受傷及死亡人數分別高達323人及11人。此外，該年亦有602宗山嶺搜救召喚事故。

https://www.youtube.com/watch?v=E5gq5s4d7BY

## 15條入門行山徑推介

想行山嘅朋友，可因應自己體能狀況同能力，揀選適合嘅行山路線。行山新手可先選擇較易行嘅入門路線，試試身手！根據[綠洲Oasistrek](https://www.oasistrek.com/trail%5Fsummary.php?ref=bowtie.com.hk)路徑難度和景觀評估，我哋推介以下15條有靚景又唔難行嘅入門路線：

### 1.東平洲

![東坪洲](https://www.bowtie.com.hk/gh/content/images/2026/11/----------800x400.jpg)

東平洲係香港第四個海岸公園，有各種珊瑚群同海岸地貌，如更樓石、龍落水與斬頸洲等，更被喻為「香港四大自然奇景」之一。行山人士只要沿住環島郊遊徑，就可以觀賞島上各個著名景點。

  
**路線：**東平洲公眾碼頭 > 阿媽灣 > 更樓石及潮池 > 龍落水 > 斬頸洲 > 大塘村

**長度：**5公里

**需時：**3小時

**交通：**於馬料水坐渡輪前往（只限星期六、日及公眾假期服務）

### 2.龍蝦灣

![小坑口](https://www.bowtie.com.hk/gh/content/images/2026/11/----------800x406.jpg)

龍蝦灣郊遊徑全程只須上走及下走一段路，山頂段較平坦。登上大嶺峒後，可遠眺清水灣、牛尾海、吊鐘洲、大坑口村及下洋的景色。  
  
**路線：**下洋 > 相思灣 > 小坑口 > 龍蝦灣 > 大嶺峒 > 大坑墩 > 大坳門

**長度：**14公里

**需時：**7小時

**交通：**巴士91號、小巴103號或16號

### 3.浪茄 / 西灣

![](https://www.bowtie.com.hk/gh/content/images/2026/11/-------800x373.jpg)

沿著麥理浩徑觀賞香港聯合國教科文組織世界地質公園的大型六角柱石群，繞西貢東郊野公園而行，途經「香港十大勝景」之一嘅萬宜水庫同浪茄灣，路徑平坦易走。  
  
**路線：**北潭涌 > 萬宜水庫西壩 > 萬宜水庫東壩 > 浪茄灣 > 西灣亭

**長度：**14公里

**需時：**7小時

**交通：**於鑽石山搭92號或沙田搭299X巴士出發到西貢市中心，再轉乘94號巴士往北潭涌站後，沿大網仔路步行5分鐘到達麥理浩徑起點

### 4.大棠

元朗大棠出名睇紅葉，每逢秋冬都有不少人前來觀賞。除此以外，大棠公園亦有充足郊遊設施，吸引一家大細去郊遊。  
  
**路線：**大棠道 > 大棠山道 > 大棠自然教育徑 > 元荃古道 > 大棠山道 >大棠道

**長度：**9公里

**需時：**2.5小時

**交通：**於朗屏乘坐K66巴士

### 5.蒲台島

![蒲台島](https://www.bowtie.com.hk/gh/content/images/2026/11/----------800x395.jpg)

蒲台島位於香港南端，地質以花崗岩為主，擁有湛藍海景及因風化而形成的加岩，形狀獨特，如響螺石、僧人石和佛手岩等，被稱為「香港十大最美岩石」之一。  
  
**路線：**蒲台島碼頭 > 牛湖頂觀日亭 > 僧人石、靈龜石 > 南角咀燈塔、淘金崖 > 佛手岩 > 蒲台石刻

**長度：**4公里

**需時：**2.5小時

**交通：**於香港仔乘坐渡輪（只限星期二、四、六、日及公眾假期）

### 6.塔門

![](https://www.bowtie.com.hk/gh/content/images/2026/11/tap_Mun-800x365.jpg)

塔門係位於西貢北嘅一個小島，名字出自於島上嘅呂字「疊石」。行山路線由碼頭向東西兩岸延伸，山上有好多寬闊嘅草地，所以亦係野外露營嘅熱門地點。  
  
**路線：**塔門碼頭 > 塔門海傍街 > 天后古廟 > 山頂觀海亭及大草坪 > 疊石 > 塔門漁民新村、榕樹村 > 碼頭

**長度：**6.5公里

**需時：**3.5小時

**交通：**於黃石或馬料水乘坐渡輪

### 7.龍脊

![](https://www.bowtie.com.hk/gh/content/images/2026/11/dragon_back-800x358.jpg)

龍脊曾被旅遊指南《Lonely Planet》評為「香港最佳遠足路線」之一，也被CNN旅遊網站推薦為「香港島五條新手遠足路線」，更被時代周刊亞洲版選為亞洲區「最佳市區遠足徑」。登上龍脊之巔，可將赤柱半島、大潭灣，以至南丫島一帶嘅景色盡收眼簾！

**路線：石澳半島的觀景點 > 打爛埕頂山 > 龍脊、馬塘坳 > 大浪灣**

**長度：8.5公里**

**需時：4小時**

**交通：於筲箕灣巴士總站搭乘9號巴士或紅色小巴**

### 8.昂坪棧道

昂坪棧道由數段木道路徑組成，係由大嶼山昂坪市集經彌勒山東北面山坡連接至東涌嘅路徑，沿途可欣賞東涌灣、機場及彌勒山景色。  
  
**路線：**逸東邨 > 昂坪棧道 > 昂坪市集

**長度：**6.5公里

**需時：**3小時

**交通：**乘坐37、28、21A或E31號巴士於逸東邨下車

### 9.城門水塘

![城門水塘](https://www.bowtie.com.hk/gh/content/images/2026/11/-------------800x600.jpeg)

城門水塘的路線平坦輕鬆，適合一家大小，不過需要注意路徑較為冗長。水塘景觀不錯，路線中的白千層茂林亦是著名的「打卡位」。

**路線：**城門道 > 城門水塘主壩 > 歷奇樂園 > 菠蘿壩 > 城門道

**長度：**8.5公里

**需時：**3小時

**交通：**由荃灣乘小巴82號至菠蘿壩總站下車

### 10.愉景灣

![愉景灣](https://www.bowtie.com.hk/gh/content/images/2026/11/----------44.jpg)

愉景灣可謂大嶼山短途山徑的不二之選，整段路線頗為輕鬆，山上風景開揚，可遠眺坪洲、喜靈洲以及長洲等島嶼，新手老手同樣適合。  
  
**路線：**愉景灣碼頭 > 稔樹灣 > 大水坑 > 銀礦灣 > 梅窩

**長度：**6.5公里

**需時：**3小時

**交通：**於東涌乘坐愉景灣巴士DB01R，或於欣澳乘坐愉景灣巴士DB03R，至愉景灣總站下車

### 11.鶴咀

![鶴咀](https://www.bowtie.com.hk/gh/content/images/2026/11/-------52.jpg)

鶴咀是位處港島東南部的海角，因其優美自然風貌（包括雷音洞及蟹洞等天然「打卡位」）及燈塔古蹟聞名。岸邊前以平路為主。要留意鶴咀屬海岸保護區，區內不設公廁及垃圾筒，沿岸及水上活動亦一律禁止。

**路線：**鶴咀道 > **鶴咀洞口** \> 無線電發射站 > 燈塔（到達後原路折返）

**長度：**6公里

**需時：**3小時

**交通：**於筲箕灣乘坐9號巴士到鶴咀道站下車

### 12.小夏威夷徑

小夏威夷徑的路線景色不算開揚，惟頗為易行，適合一家大小。小徑上的古橋石碑與水壩遺址亦能令人回味當地歷史。

**路線：**銀影路 > 小夏威夷徑 > 心朗村 > 井欄樹

**長度：**3.5公里

**需時：**1.5小時

**交通：**於鑽石山乘坐91／91M號巴士，或於將軍澳乘坐792M號巴士，到銀影路下車

### 13.大潭水塘

![大潭水塘](https://www.bowtie.com.hk/gh/content/images/2026/11/shutterstock_173412548.jpg)

此大潭水塘路線易行，沿途不乏路牌指示。紫羅蘭山徑行至淺水灣附近景致尤美，水塘的英式石橋亦已是為人熟知的「打卡位」。

**路線：**黃泥涌水塘 > 紫羅蘭山徑 > 淺水灣坳 > 大潭中水塘 > 大潭篤水塘 > 大潭道

**長度：**7.5公里

**需時：**2.5小時

**交通：**於中環乘坐6號巴士，或於北角乘坐63號巴士（僅限平日），到黃泥涌水塘公園下車

### 14.昂平高原

![昂平高原](https://www.bowtie.com.hk/gh/content/images/2026/11/shutterstock_1872033301.jpg)

昂平高原路線橫跨馬鞍山及西貢，雖較為長途，但要走完整段難度不高。行至馬鞍山村時可參觀礦場遺蹟，而在昂平高原上亦能遠望整個西貢市的景色。

**路線：**恒安邨 > 馬鞍山村 > 昂平高原 > 菠蘿斜 > 西貢消防局

**長度：**9公里

**需時：**4小時

**交通：**乘坐港鐵屯馬線到恒安站下車

### 15.藍地水塘

![藍地水塘](https://www.bowtie.com.hk/gh/content/images/2026/11/shutterstock_1624109257.jpg)

藍地水塘路線鄰近屯門市中心，初段樓梯上山較耗體力，步入屯門徑後較為平坦，沿途亦有著名的「彩虹欄杆」供行山的朋友「打卡」。

**路線：**何福堂書院 > 屯門徑第一段 > 屯門徑第二段 > 藍地水塘 > 嶺南大學

**長度：**5公里

**需時：**2.5小時

**交通：**乘坐港鐵屯馬線到屯門站下車

**延伸閱讀**

- [【渣打馬拉松】比賽日期、賽前準備及意外保險優惠！](https://www.bowtie.com.hk/blog/zh/%e9%a6%ac%e6%8b%89%e6%9d%be-%e6%b8%a3%e6%89%93%e9%a6%ac%e6%8b%89%e6%9d%be/?ref=bowtie.com.hk)
- [【做 GYM 減肥】10 大健身中心收費模式、分店、試玩優惠大比拼！](https://www.bowtie.com.hk/blog/zh/%e5%81%9agym-%e6%b8%9b%e8%82%a5-%e5%85%a8%e6%b8%af8%e5%a4%a7-%e5%81%a5%e8%ba%ab%e4%b8%ad%e5%bf%83-%e6%94%b6%e8%b2%bb%e6%a8%a1%e5%bc%8f-%e5%88%86%e5%ba%97-%e8%a9%a6%e7%8e%a9/?ref=bowtie.com.hk)
- [【毅行者2023】復辦實體賽！了解比賽路線、賽前訓練及保險選擇](https://www.bowtie.com.hk/blog/zh/%e6%af%85%e8%a1%8c%e8%80%85/?ref=bowtie.com.hk)
- [【Wakesurfing新手攻略】香港最佳滑浪點、價錢及裝備一覽](https://www.bowtie.com.hk/blog/zh/wakesurfing/?ref=bowtie.com.hk)

## 行山裝備Check List一覽

無論係新手定行山發燒，都要記住帶定以下行山裝備︰

- 帶定手機並安裝有記錄行蹤功能嘅智能手機應用程式，一旦意外，搜救隊伍都可以快啲搵到你
- 穿著有護踝功能及鞋底有凹凸紋嘅遠足鞋，及穿著輕便服裝 (如淺色長袖衫褲)，亦可帶帽子擋猛烈陽光
- 帶備輕便嘅物資，如緊急糧食（麵包餅乾、朱古力等)、行山手杖、郊區地圖、指南針、充足電嘅智能電話、雨具、急救包、電筒、哨子、乾衣服等
- 帶備及塗上驅蚊劑以預防蚊叮蟲咬

## 行山前仲有咩要準備？

行山前應先做好以下準備：

- 留意當日天氣報告，唔好喺酷熱、濕度高或空氣質素健康指數甚高╱嚴重嘅日子行山
- 了解行山區嘅流動電話服務覆蓋範圍，睇清楚郊遊安全資料同最新郊遊地圖
- 預先計劃好行程，預計行山時間同留意日落時間，盡量喺日落前完成行程
- 建議至少4人同行，切勿中途離隊，亦應預先話畀親友知你嘅行程
- 做足熱身運動

此外，長期病患者（如患有心臟病、哮喘等)行山前應先徵詢醫生的意見，評估及減低行程中發病風險。

## 行山期間注意事項

除咗行山前嘅準備外，行山期間亦要注意以下事項，以防意外發生：

- 唔好食野果或飲山水，或逗玩或餵飼流浪貓、狗或野猴，以防被襲擊
- 唔好行入無路牌指示嘅草叢或樹林，亦唔好離開原定路線或行捷徑
- 當遇到雷暴，應避免使用手提電話，唔好企喺山頂、樹木、桅杆或潮濕地面
- 唔好企喺崖邊或攀石危險地方影相打卡，以免發生意外
- 唔好行斜滑嘅山徑或溪澗（特別係暴雨過後），以免失足滑倒
- 唔好喺指定燒烤地點以外的地方生火或吸煙；一旦遇到火警，應立即遠離現場並致電999報警
- 留意自己嘅身體狀況，每15至20分鐘補充150至200毫升水分，[預防中暑](https://www.bowtie.com.hk/blog/zh/%e7%96%be%e7%97%85%e7%97%87%e7%8b%80/%e4%b8%ad%e6%9a%91/?ref=bowtie.com.hk)。
- 沿途留意政府嘅危險告示牌；迷路時，應原路折返，並盡快尋求協助

一旦遇到意外時，記得即刻打999或國際救援電話112求助。如果無電話網絡，亦可用沿途嘅固定網絡緊急求助電話尋求支援。

**延伸閱讀**

- [【意外保險比較】邊間好？跌打保障外留意醫療賠償限額！](https://www.bowtie.com.hk/blog/zh/%e6%84%8f%e5%a4%96%e4%bf%9d%e9%9a%aa-%e9%82%8a%e9%96%93%e5%a5%bd-%e8%b7%8c%e6%89%93-%e4%bf%9d%e9%9a%9c-%e9%86%ab%e7%99%82%e8%b3%a0%e5%84%9f/?ref=bowtie.com.hk)
- [【船 P】出海遊船河 有意外保都要留意的事](https://www.bowtie.com.hk/blog/zh/%e8%88%b9p-%e5%87%ba%e6%b5%b7-%e9%81%8a%e8%88%b9%e6%b2%b3-%e6%84%8f%e5%a4%96%e4%bf%9d/?ref=bowtie.com.hk)
- [【中暑】有何症狀？與熱衰竭有咩分別？了解8個預防及急救方法](https://www.bowtie.com.hk/blog/zh/%e7%96%be%e7%97%85%e7%97%87%e7%8b%80/%e4%b8%ad%e6%9a%91/?ref=bowtie.com.hk)

## 保險選擇

| **擔心行山時意外受傷，有咩保險選擇？** |                  |                |      |
| --------------------- | ---------------- | -------------- | ---- |
| 保險                    | Bowtie自願醫保「靈活計劃」 | 保泰意外醫療保險 – 觸木保 | 危疾保險 |
| 提供保障？                 | ✓                | ✓              | X    |

資料來源

- 1[綠洲Oasistrek](https://www.oasistrek.com/trail%5Fsummary.php?ref=bowtie.com.hk)
- 2香港旅遊發展局

本文章內容由 Bowtie 團隊 提供並只供參考，不代表 Bowtie 立場，Bowtie 對任何人因使用或誤用任何信息或內容，或對其依賴而造成的任何損失或損害，不承擔任何責任。此文章內任何與 Bowtie 產品相關的內容僅供參考及作教育用途，客戶應參閱相關產品網頁內詳細之條款及細則。