> ## Content Index
> Fetch the complete content index at: https://www.bowtie.com.hk/learn/llms.txt
> Use this file to discover other available public pages before exploring further.

# 現代女性必學 - 與麥明詩 & Jessica 分享健康心得
- URL: https://www.bowtie.com.hk/learn/麥明詩-jessica-分享女性健康心得/
- Published: 2022-08-09T10:10:34.000Z
- Updated: 2026-11-16T17:12:46.000Z
- Description: 隨著健康資訊日益普及，現代女性日漸重視自我健康管理，社會上亦有不同聲音推廣女性健康問管理！Bowtie 的 Co-CEO 顏耀輝先生（Fred）特地邀請到兩位現代女性 — 麥明詩小姐（Louisa）和伍怡欣小姐（Jessica）與大家分享如何做一個美麗、健康、成功的現代女性！
- Author: Bowtie 團隊
- Tags: Bowtie故事

隨著健康資訊日益普及，現代女性日漸重視自我健康管理，社會上亦有不同聲音推廣女性健康問管理！

女性健康知易難行，簡單而言，就是要做好這三件事情：飲食、運動、預防患病。我們理解香港人的生活節奏急速，就算了解到這些健康知識後都未必能夠貫徹自己理想的生活習慣，例如實施飲食計劃 / 定期做運動或進行身體檢查等等……因此我們的 Co-CEO 顏耀輝先生（Fred）特地邀請到兩位現代女性 — 麥明詩小姐（Louisa）和伍怡欣小姐（Jessica）與大家分享如何做一個美麗、健康、成功的現代女性！

![Fred 與 Louisa & Jessica 交流自我健康管理心得。](https://www.bowtie.com.hk/gh/content/images/2026/11/Bowtie-x-Merck-56-1024x683.jpg)

Fred 與 Louisa & Jessica 交流自我健康管理心得。

## 飲食篇：Keep Fit 一定要嚴格控制飲食？

![Louisa 分享獨門飲食控制方法。](https://www.bowtie.com.hk/gh/content/images/2026/11/Bowtie-x-Merck-44-533x800.jpg)

**Louisa 分享獨門飲食控制方法。**

**Fred：**我身邊經常都有女性朋友同我講話想好似 Louisa 你一樣，百忙之中都有咁 Fit 嘅身型，但又好難忍到口，往往都聽講佢哋進行嘅 Diet 到一半就放棄。眾所周知，節食會帶來唔同嘅壞處，不如請 Louisa 分享下你嘅獨門飲食控制方法？

**Louisa：**對我嚟講，我唔想因為太過緊張於飲食方面以致無哂生活中嘅樂趣，我希望可以strike a balance。我會以「性價比」概念去看待食物，不過指嘅唔係價錢同好食指數既對比，而係食物[卡路里](https://www.bowtie.com.hk/blog/zh/%e5%8d%a1%e8%b7%af%e9%87%8c-%e6%b8%9b%e8%82%a5-%e6%b7%a8%e4%bf%82%e7%9d%87-%e7%86%b1%e9%87%8f-%e7%87%9f%e9%a4%8a%e5%b8%ab-%e5%81%a5%e5%ba%b7%e9%a3%b2%e9%a3%9f/?ref=bowtie.com.hk)同我嘅開心程度。

**Fred：**即係類似「cheat day」嘅概念？

**Louisa：**兩者都相似，舉例而言，我平時出去食飯飲嘢嗰陣都會嗌「走甜」，因為呢啲糖份會佔用我可以攝取嘅卡路里，但飲完杯含糖飲品之後又唔會令我感到特別愉快；同樣地，食沙律嘅時候我一定會嗌「走醬」，因為我既然選擇食沙律，就係希望將卡路里 quota 留比下一餐會令我心情變好嘅食物。到我想食啲令我開心嘅嘢例如叉雞飯嘅時候，我就會放心去食！除此之外，我喺日常生活中都會經常留意自己攝取嘅營養素，例如會注意食多啲蛋白質或者喺適量地補充 Supplement。

> Louisa 的這種飲食理念與「儲蓄」相似，合理地分配金錢（卡路里）以避免過度花費（攝取）。不過「平衡」是一個十分重要的因素，建議大家在參考 Louisa 的飲食心得前要注意在「健康飲食」同「心理健康」兩方面之間取得平衡，只有這樣才能夠長遠地保持飲食習慣！只要在日常生活中做出些許調整，就可以偶爾盡情享用美食，何樂而不為呢？

**延伸閱讀**

- [【身體組成分析】如何理解體脂率、BMR、基礎代謝率指標？](https://www.bowtie.com.hk/blog/zh/%e8%ba%ab%e9%ab%94%e7%b5%84%e6%88%90%e5%88%86%e6%9e%90/?ref=bowtie.com.hk)
- [營養師心得及攻略：斷食法有效減肥？有什麼壞處？](https://www.bowtie.com.hk/blog/zh/%e6%96%b7%e9%a3%9f%e6%b3%95/?ref=bowtie.com.hk)

## 運動篇：日忙夜忙沒有時間做運動？

![Jessica 鼓勵大家盡量分配時間進行運動。](https://www.bowtie.com.hk/gh/content/images/2026/11/Bowtie-x-Merck-43-533x800.jpg)

**Jessica 鼓勵大家盡量分配時間進行運動。**

**Fred：**Louisa 果然係 10A 狀元，連食野都咁 smart，真係諗過度過先食！咁Jessica呢？你作為傑志足球隊嘅牌照及管理總監，成日都要跟住球隊走來走去，有無啲運動方面嘅 tips 分享比我哋嘅女性觀眾參考？

**Jessica：**運動方面，我建議大家可以向 Louisa 學習，佢做運動嘅次數好密集，聽講佢成日都會喺返工前去游水，其實游水就喺一項十分唔錯嘅「[帶氧運動](https://www.bowtie.com.hk/blog/zh/%E5%B8%B6%E6%B0%A7%E9%81%8B%E5%8B%95/?ref=bowtie.com.hk)」！我知道好多職業女性都好似我一樣，喺生活中擔任住唔同嘅角色，我身邊都有朋友工作壓力大之餘，返到屋企仲要煮飯、做家務、照顧家人同埋小朋友，未必有太多空餘時間做運動。不過我每星期都會盡量抽啲時間出嚟，例如2-3日，每次做30分鐘帶氧運動，已經有好大幫助。

**Fred：**即係無論幾忙都要抽時間做運動？

**Jessica：**或者可以講話喺要妥善安排好自己嘅時間，當然理想情況係花更多時間做運動，但只要有做運動就一定比無做運動更好，那怕每日只抽10分鐘時間出來，都可以令你更健康！

**Louisa：** 我就喜歡相約朋友一起做運動，因為自身朋友圈子的生活習慣其實是會在不經意間互相影響的。特別是伴侶，如果對方的生活習慣不健康，很大機會對你自身的生活習慣造成負面影響；Louisa 更建議大家可以與朋友互相提點，例如相約聚會時可以考慮一起做運動，減少外出用膳等等。

> 由於 Jessica 的背景比較特別，她可能與專業運動員接觸得較多，因而更深刻地體會到做運動為身體帶來的好處。事實上，香港人的生活節奏急速，不少人對於日常生活中的壓力都應接不暇，更遑論抽時間出來養成運動習慣，不過若有條件的話，建議大家嘗試一些比較方便的運動。

**延伸閱讀**

- [【跑步】減肥效率低？晨跑定夜跑較好？拆解 4 大迷思！](https://www.bowtie.com.hk/blog/zh/%e8%b7%91%e6%ad%a5-%e6%b8%9b%e8%82%a5/?ref=bowtie.com.hk)
- [【HIIT】超強減肥效果？7 個新手入門必學動作介紹](https://www.bowtie.com.hk/blog/zh/hiit-%e9%ab%98%e5%bc%b7%e5%ba%a6%e9%96%93%e6%ad%87%e8%a8%93%e7%b7%b4/?ref=bowtie.com.hk)

## 預防患病篇：小病小痛，唔理就會變大病？

![Louisa & Jessica 分享親身經驗提醒大家正視身體警號。](https://www.bowtie.com.hk/gh/content/images/2026/11/Bowtie-x-Merck-45-533x800.jpg)

**Louisa & Jessica 分享親身經驗提醒大家正視身體警號。**

**Fred：**你哋都分享左好多實用嘅心得，唔知兩位咁健康嘅女性，身體有冇嘗試過出現啲警號？

**Louisa：**Touch wood！我好似一直都無乜比較嚴重嘅健康問題，但我有時會比壓力困擾，記得有一排我真係好忙好大壓力，嗰段時期嘅我好似出現左一種「[生蛇](https://www.bowtie.com.hk/blog/zh/%e7%94%9f%e8%9b%87/?ref=bowtie.com.hk)」既症狀，好在我屋企就有家庭成員係醫生，我先可以及時得到醫務照顧，馬上對症下藥。我算係比較幸運，我知道有人遇上小問題嘅時候可能會諗住「小事化無」，所以我都想提醒大家最好就係趁問題唔大嘅時候儘速解決，始終無必要令自己受苦嘛。

**Fred：**Louisa 嘅態度正確！作為女性，你會唔會特別擔憂某啲女性病？

**Louisa：**講到呢個問題，絕對要提及呢兩大女性癌症 — [**子宮頸癌**](https://www.bowtie.com.hk/blog/zh/%E5%AD%90%E5%AE%AE%E9%A0%B8%E7%99%8C-%E7%97%87%E7%8B%80-%E8%A8%BA%E6%96%B7-%E4%BF%9D%E9%9A%AA/?ref=bowtie.com.hk)以及[**乳癌**](https://www.bowtie.com.hk/blog/zh/%E4%B9%B3%E7%99%8C-%E7%97%87%E7%8B%80-%E6%AA%A2%E6%9F%A5-%E5%88%86%E6%9C%9F-%E6%B2%BB%E7%99%82-%E9%A0%90%E9%98%B2/?ref=bowtie.com.hk)。好好彩地，社會上一直有各種聲音去宣傳呢兩種癌症嘅資料，所以大家對其認識比較深入，因此警覺性自然會提高咗。我當時未發育完成就已經打咗[預防子宮頸癌嘅針](https://www.bowtie.com.hk/blog/zh/hpv%e7%96%ab%e8%8b%97-%e5%ad%90%e5%ae%ae%e9%a0%b8%e7%99%8c%e7%96%ab%e8%8b%97/?ref=bowtie.com.hk)，全賴我父母有充足啲健康知識；但更多嘅女性健康隱患就被為會忽視咗，例如一啲同生殖能力 / 性健康相關嘅問題。

> 那怕平常在飲食及運動方面刻意控制，亦不代表身體就會因此完全健康。身體上的小問題例如膽固醇過高、高血壓未必有明顯徵兆，但就有機會引起心臟病、中風等致命疾病。若不及時處理，患病風險更會因年齡、不良的生活習慣等因素而大幅提升。我們建議大家要多多了解不同的健康知識，只有如此，才能及早採取行動，將病毒扼殺於搖籃之中！

**延伸閱讀**

- [【月經失調】怎麼辦？即睇西醫及中醫的改善及檢查建議！](https://www.bowtie.com.hk/blog/zh/%e6%9c%88%e7%b6%93%e5%a4%b1%e8%aa%bf-%e4%b8%ad%e9%86%ab-%e6%94%b9%e5%96%84-%e6%aa%a2%e6%9f%a5/?ref=bowtie.com.hk)
- [【子宮肌瘤】了解成因、症狀、食物禁忌及治療方法（附專業醫保建議）](https://www.bowtie.com.hk/blog/zh/%e5%ad%90%e5%ae%ae%e8%82%8c%e7%98%a4/?ref=bowtie.com.hk)

## 預防患病篇：身體檢查有幾重要？

**Fred：**無錯！就好似我哋一直宣傳嘅「預防勝於治療」理念，我哋都唔希望見到啲人捱到病先做檢查。你哋咁健康，想必都有定期進行[身體檢查](https://www.bowtie.com.hk/blog/zh/%e8%ba%ab%e9%ab%94%e6%aa%a2%e6%9f%a5/?ref=bowtie.com.hk)嘅習慣？

**Jessica：**說來慚愧，我大概都知道自己有做詳盡身體檢查嘅需要，不過好多時我都會用「無時間」去做藉口，其實我哋都知道淨係做[婦科檢查](https://www.bowtie.com.hk/blog/zh/%e5%a9%a6%e7%a7%91%e6%aa%a2%e6%9f%a5/?ref=bowtie.com.hk)梗係唔夠，不過呢種現象某程度上都反映咗大家對身體檢查嘅認識未夠深入，成日都比咗籍口自己唔去做身體檢查。我身邊都有同年嘅朋友出現健康問題，而我都曾經因為工作壓力過大而暈低，我有時就係到諗，可能下一次出現問題啲就係我。睇黎我都需要預約時間做返個全面嘅身體檢查以求安心！

**Louisa：**我同 Jessica 嘅經歷相似，我有一位朋友大約幾年前患上癌症，對我嚟講就好似一個wake up call 咁，提醒咗我就算後生都需要注意自己身體。自此之後，就算幾忙我都會每1-2年去做一次身體檢查，我自己都知道我嘅工作比較特別，藝人嘅工時唔固定，而辦公室工作嘅工時又比較長，所以除咗婦科之外，我仲會檢查埋身體各項指標、照超聲波等。

**Fred：**你哋都有好正確嘅觀念，其實定期檢查非常之重要，希望經過今日嘅討論後，大家都可以提醒自己要更注重自我健康管理！

> 可惜的是，根據 Bowtie 內部非正式調查，我們的客戶當中只有不到一半人有定期進行身體檢查的習慣。我們建議，一般人沒有必要一開始就進行專科檢查，或者可以先與家庭醫生見面，進行部份基本檢查，例如血壓、血脂等，並討論過去一年以來的生活方式、身體狀況、心理精神及運動習慣等各方面狀況，讓醫生評估當事人有沒有需要進行再進一步的專科檢查。事實上，我們亦正提供類似產品，如有興趣，可以了解更多 BowKeen 詳情！

**延伸閱讀**

- [子宮頸檢查（又名，柏氏抹片）：了解檢查過程、結果解讀及檢查收費](https://www.bowtie.com.hk/blog/zh/%e5%ad%90%e5%ae%ae%e9%a0%b8%e6%aa%a2%e6%9f%a5/?ref=bowtie.com.hk)
- [【女性身體檢查】邊間好？比較全港 18 個計劃收費及優惠！](https://www.bowtie.com.hk/blog/zh/%e5%a5%b3%e6%80%a7%e8%ba%ab%e9%ab%94%e6%aa%a2%e6%9f%a5/?ref=bowtie.com.hk)

## 結語：女性健康不是一個人的事，讓我們成為你健康的動力！

![Bowtie 與 Merck 合作，從多方面推廣大眾留意女性健康隱患](https://www.bowtie.com.hk/gh/content/images/2026/11/Bowtie-x-Merck-15-1024x683.jpg)

Bowtie 與 Merck 合作，從多方面推廣大眾留意女性健康隱患

透過兩位現代女性的分享，相信大家都對自我健康管理有更進一步的認識，很多時候我們都需要更多動力和迫切性才能推動自己進行自我健康管理。「條條大路通羅馬」，維持健康的方法多不勝數，除了可以參考以上分享後，身邊朋友和伴侶互相支持和督促，都能夠化成動力，支持自己在追求健康的路上達致平衡！

時常強調「預防勝於治療」健康概念的 Bowtie 一直希望為女性健康出一分力，除了與全球領先科學與科技公司默克藥業（香港）有限公司（Merck）[簽署合作備忘錄](https://www.bowtie.com.hk/blog/zh/bowtie-merck-%e5%82%99%e5%bf%98%e9%8c%84-%e5%a5%b3%e6%80%a7%e5%81%a5%e5%ba%b7/?ref=bowtie.com.hk)，共同加強對女性健康的支援以外，今年我們幸運地遇上了志同道合的同伴 — [Women Festival](https://womensfestival.hk/?ref=bowtie.com.hk)。

Women’s Festival 一直致力推動社會創新及變革，以行動支持及回應女性與其他邊緣社群在不同領域所面對的挑戰，Bowtie 與 Merck 將共同以贊助商的身份在8月份的 Women Festival 亮相並為觀眾帶來一系列活動；我們更精心設計了一份健康問卷，希望你能夠抽時間填寫，讓我們收集更多客戶意見以開發新產品及服務，在完成問卷後，你更可以獲得優惠卷以9折購買 Women Festival 門票！

本文章內容由 Bowtie 團隊 提供並只供參考，不代表 Bowtie 立場，Bowtie 對任何人因使用或誤用任何信息或內容，或對其依賴而造成的任何損失或損害，不承擔任何責任。此文章內任何與 Bowtie 產品相關的內容僅供參考及作教育用途，客戶應參閱相關產品網頁內詳細之條款及細則。