衛生防護中心 每年都會推出「疫苗資助計劃」,資助一啲較易「中招」嘅流感高危人士打 流感針 ,當局已經喺2018年10月10日公佈咗詳情,資助金額亦提升至$210一針(一般人需付原價)。

星島日報報導,食物及衛生局長陳肇始喺2019年1月5日表示,目前已有近100萬人注射流感疫苗,較去年同期多逾5成。

為咗令大家更深入地認識流感疫苗,Bowtie 醫療資訊團隊今次幫大家整理咗一啲相關嘅實用資訊!

點解要打流感疫苗?

政府一到秋冬就會呼籲市民接種流感疫苗,原因好簡單,根據美國疾病管控及預防中心(簡稱疾病防控中心),流感同一般傷風感冒最大分別係,流感有機會導致入院留醫,甚至死亡。

世界衞生組織(簡稱世衛)數據顯示,流感每年可導致全球30萬至50萬人死亡。

而流感疫苗已經證實可以有效預防流感,根據世衞組織的資料,如果疫苗嘅抗原與流行病毒吻合,流感疫苗對 65 歲以下健康人士提供嘅保護效用可達70%至90%。

香港流感疫苗分為「三價」「四價」兩類滅活流感疫苗,根據衛生防護中心,「三價」疫苗預期可以預防大多數流感個案,而「四價」疫苗則可針對乙型流感,提供額外保護。應該打邊隻疫苗就要視乎個別情況問返醫生喇!

香港首間純網上保險公司Bowtie 現已推出自願醫保「標準計劃」,月費最平唔使$100*,即用Bowtie保費計算機進行初步報價!

註︰以上計算的保費僅供參考,你實際需要繳交的保費受時間、通脹、核保等因素影響,並需加上保險業監管局徵收的保費徵費,請按此下載並查閱標準保費表

*以20歲非吸煙男性標準計劃為例,每月保費為$95

延伸閱讀︰【私家醫院收費比較】病房日租最平$120?最貴$45,000!

相關文章︰【自願醫保計劃】VHIS產品保障、保費、扣稅、轉保全攻略!

邊類人最需要打流感針?

衛生防護中心 每年都會列出流感高危人士或弱勢社群,如果你屬於以下群組,就可獲資助甚至免費接種疫苗︰

*有高風險情況人士包括︰曾患侵入性肺炎鏈球菌肺炎、腦脊液滲漏、裝有人工耳蝸、患有長期心血管疾病、肺病、肝病、腎病;或新陳代謝疾病包括糖尿病以及肥胖(體重指數 30 或以上)人士等。

邊度有得打免費或資助疫苗?

香港唔少診所都有得打資助疫苗,你可以上醫健通網站搜尋。醫健通網站

只要剔咗「西醫」「季節性流感疫苗」「地區」,就可以搵到屋企附近邊度有得打資助疫苗。

流感疫苗醫生名單

醫健通會列出醫生名稱診所地址疫苗價錢等資訊。

如果想免費接種疫苗,就要去指定公營診所母嬰健康院衛生署學生健康服務中心等地方打針。記得睇清楚開放時間同地址呀!同埋留意返,打完針之後需要兩星期先會產生抗體,所以愈早打愈好。

「問題疫苗」已通過無菌測試

早前明報報導,台灣某藥廠推出嘅兩批三價同四價流感疫苗,分別被檢查到有黑色同白色嘅懸浮物;藥廠於11月27日證實有17.5萬劑同批次嘅四價疫苗(下稱「問題疫苗」)供港。陳肇始於11月28日,來港批次未有懸浮物報告。

當時,衞生署曾即時暫停使用受影響嘅「問題疫苗」,轄下服務包括長者服務中心將暫停流感疫苗接種服務,直至批發商轉送新一批次疫苗。

2018年12月28日,衞生署宣佈早前暫停供應的一批四價季節性流感疫苗之樣本通過政府認可化驗機構嘅無菌測試,並通知醫護界,可恢復使用有關批次嘅季節性流感疫苗。

一般健康人士都可以打定疫苗

除咗以上所講嘅高危人士,衛生防護中心建議所有年滿6個月或以上人士都應該接種流感疫苗。

最後,你可能會想問,打流感針有冇風險?

根據美國疾病管控及預防中心,流感疫苗與其他醫療產品一樣可能有副作用,當中包括作嘔、頭痛、紅腫、肌肉痛及發燒。不過流感疫苗對身體嘅影響比較輕微,而且通常打完針幾日就會冇事。

至於如果發現自己疑似打咗「問題疫苗」,最好即時搵返醫生問清楚會唔會影響健康。無論患上流感定其他上呼吸道疾病,最好都係請假休息,唔好傳染其他人喇!

相關文章︰【流感2018】了解流感種類、病徵、潛伏期及預防方法!

Bowtie最新優惠

*以上內容由Bowtie健康資訊團隊提供。內容僅供參考,不能取代合資格的醫護人員給予閣下之個人建議。

 

FacebookWhatsAppLinkedInWeChat