熱門話題

【BAFS補習】要一見到條題目就知佢想考咩?中四、中五、中六應考技巧

DSE會計係一科易學難精嘅科,basic concept要熟到一見到條題目就知佢想考咩?但係講就易做就難,搞到好多學生drop BAFS 企會財,但其實係咪真係咁難呢?今日Bowtie請來Tutor Circle 尋補就想同大家分享下BAFS補習好唔好、補習以外,仲有咩適合嘅學習方法?中四、中五、中六都有不同嘅應考技巧,希望幫到各位有志喺BAFS 企會財考好成績嘅同學仔。
日期 2020-10-27
更新 2021-06-30
目錄
普遍學生讀 DSE BAFS 遇到嘅難題BAFS 5** 究竟點樣準備DSE?温BAFS 3 大注意點總結
保險入門班

普遍學生讀 DSE BAFS 遇到嘅難題

  • Concept多又亂
  • 考試永遠都係見步行步
  • 溫書冇方向
  • Past Paper多到唔想揭
  • 前面一唔識,後面做唔到落去

BAFS 5** 究竟點樣準備DSE?

Form 4

首先,當大家仲咒罵緊自己誤入伏科同埋老師唔識教嘅時候,佢已經係到默默儲備緊past paper,上網、去圖書館、問老師,總之已經將所有past paper(97CEE+AL 至 最新一屆DSE)都by topic整理好。老師教到depreciation(折舊)同bank rec(銀行往來調節表),就默默地做緊呢兩科嘅CE past paper(10~20條),幾乎每個quiz同exam都輕鬆拎到頭幾名。總之教到邊課,就已經清晒個課嘅CE past paper,甚至挑戰緊DSE paper,每當遇到有咩唔識,就會搵其他人幫手,可能係老師、師兄或者BAFS補習。

「 一秒知道考咩topics 」

第二,要好熟啲題目類型。一見到條題目就知佢想考咩concept,reducing-balance、straight-line method,一做income statement & balance sheet,咩左debit右credit已經係諗都唔洗諗,點樣分items係expense, revenue, assets, liabilities定capital,已經係要做完past paper之後熟晒。

Form 5

第一,離不開操paper同清concept。基本上每一課都係自己操CE同DSE past paper搞清晒所有相關concept,Paper 1嘅背書野,亦都會做DSE paper嘅mc,教到邊就做到邊,從來唔會等老師嘅進度,因為佢知道只做功課同老師嘅進度(除非老師會迫你清晒所有past paper),係唔會成為最top。

「一秒知道個trap位係邊」

第二,可以睇穿陷阱。無論Paper 1 同 Paper 2,都會有好多陷阱比你去踩,depreciation折舊嘅數月份、Correction of Error錯誤更正嘅 Income statement — Exp/Rev,數之不盡,但佢已經一眼就望穿晒出題者嘅招數,出卷員對住佢已經無計可施,細心嘅性格亦都係呢段時間磨練出黎。

Form 6

第一,中六相信已經教剩好少野,係全力訓練嘅時候。呢個時候,佢知道佢已經長大,做題目嘅技巧已經練到爐火純青,佢選擇左去挑戰AL嘅past paper,當然確保係無out-syl先做啦。Cost Accounting成本會計、Correction of Error錯誤更正等嘅AL題目簡直尤如人間煉獄,從來都未見過咁複雜嘅題目同概念,呢個時候只有不斷請教人,或者將答案重睇幾次直至了解為止。因為佢知道,連AL佢都掌握到嘅話,係DSE簡直係如魚得水。經過千錘百煉嘅佢,開始count時間做DSE full paper,2小時32分、2小時18分、2小時15分、2小時04分、1小時38分,早左足足一個鐘完成Paper 2A。佢話佢睇野開始愈黎愈慢,呢個時候,我就知道,佢係做卷既速度快愈黎愈快。

「諗到常人諗唔到嘅相關概念,可以用超過3個perspectives去諗同一個問題」

呢一刻,做題目已經唔會點唔明,佢只係享受緊輕鬆完成題目嘅快感,5**已經唔再係目標,佢只係需要同自己比較。

温BAFS 3 大注意點

宜家距離下年DSE還有不足一年時間,相信各位考生壓力都愈黎愈大,睇到5**既大師點樣温習,有冇輕鬆少少呢?以下整理3點係温BAFS最重要既步驟,除左上BAFS補習班,自己温書記得要注意啦。

Step 1 : 清Concept

第一,BAFS是一科要打好根基的科目,絕對不可以死記硬背。例如解釋 Increase in assets 是 debit, 什麼是 accumulated depreciation 等等,開頭的課題尢其重要,一定要明白背後concept,對於日後其他課題都是十分重要。

Step 2 : 記低自己曾犯過的錯誤

第二,「人類總要重複同樣的錯誤」,這句說話真是非常對,經常發現自己做錯了一題,然後下一題又犯下同一樣的錯誤。其實讀仼何一科也是,大家可以準備一本筆記本把自己常犯的錯誤、或者比較狡猾的題目寫下,有空拿出來看,避免自己再次踩下陷阱。

Step 3: 記得操past paper

第三,BAFS除了要背書外,一定要做不同的past paper,記得要盡量集齊HKCEE + HKALE + HKDSE 試題 + 答案。但做past paper都有技巧:要by topic做,和要預足時間做多幾次,做到熟練才可以。另外遇到難道高的地方或伏位,可以將題目印一份或圈圈著那個位,然後將這些印出來的試題釘起,方便自己日後溫習。

總結

總言來說,BAFS並唔係一科單靠天份決定生死嘅科目,後天嘅努力,將勤補拙亦都可以為企會財科帶黎不錯嘅成績。你嘅付出一定會係考試嘅時候睇到。

分享
本文章內容由 Tutor Circle 尋補 提供並只供參考,不代表 Bowtie 立場,Bowtie 對任何人因使用或誤用任何信息或內容,或對其依賴而造成的任何損失或損害,不承擔任何責任。
Bowtie 港怡醫院醫療健康組合每年送一次身體檢查

相關文章

消費券套現真係得?拆解 10 大消費券常見問題 消費券套現真係得?拆解 10 大消費券常見問題
熱門話題

消費券套現真係得?拆解 10 大消費券常見問題

【雙11優惠】唔係得淘寶!2020年香港、海外網購全攻略 【雙11優惠】唔係得淘寶!2020年香港、海外網購全攻略
熱門話題

【雙11優惠】唔係得淘寶!2020年香港、海外網購全攻略

7個準則搵補習老師,第6點尤其重要! 7個準則搵補習老師,第6點尤其重要!
熱門話題

7個準則搵補習老師,第6點尤其重要!

投保 Bowtie 自願醫保附加保障,每年送你免費體檢!
了解產品

其他話題

電郵查詢

一般查詢
hello@bowtie.com.hk
傳媒查詢
media@bowtie.com.hk
合作推廣
partner@bowtie.com.hk

© 2021 保泰人壽保險有限公司。版權所有。

我們檢測到您的瀏覽器已經過時。如要得到最佳的瀏覽體驗,請更新或使用其他瀏覽器。 知道了