仁濟醫院（Yan Chai Hospital）（仁濟）係一間位於荃灣仁濟街嘅公立醫院。Bowtie 資訊團隊搜集咗醫院嘅探病時間、電話、交通、地址及一啲入院嘅常見問題，另外會介紹埋仁濟醫院－香港浸會大學中醫教研中心，俾大家喺住院前做好準備。
仁濟基本資料
- 聯網︰九龍西
- 電話︰2417 8383
- 地址︰新界荃灣仁濟街7-11號
- 交通︰
| 交通工具 | 路線 |
| 小巴 | 86M、95M |
| 地鐵 | 大窩口／荃灣站 |
| 巴士 | 930、32H、33A、38A、38B、39A、69M |
- 探病時間︰
| 病房 | 時間 |
| 內科病房、兒科病房 | 4 p.m. – 8 p.m. |
| 急症科病房 | 12 noon – 2 p.m. 及 6 p.m. – 8 p.m. |
| 外科病房、外科及耳鼻喉頭頸外科病房 | 11:30 a.m. – 1:30 p.m. 及 6 p.m. – 8 p.m. |
| 骨科病房及全關節置換中心、骨科病房 | 12:30 p.m. – 1:30 p.m. 及 5 p.m. – 8 p.m. |
| 深切治療部 | 12 noon – 1 p.m. 及 5:30 p.m. – 8:30 p.m. |
| 骨科復康病房 | 12 noon – 2 p.m. 及 4 p.m. – 8 p.m. |
| 內科延續護理病房 | 2 p.m. – 8 p.m. |
九龍西專科門診穩定新症輪候時間
| 專科 | 輪候時間（中位數） |
| 耳鼻喉科 | 超過1年9個月 |
| 眼科 | 超過1年6個月 |
| 婦科 | 超過1年 |
| 內科 | 1年3個月 |
| 骨科 | 約1年 |
| 兒科 | 4個月 |
| 精神科 | 5個月 |
| 外科 | 5個月 |
資料來源︰醫管局
註︰以上輪候時間為2018年7月1日至2019年6月30日之參考資料。
上表可見，九龍西聯網醫院嘅耳鼻喉科同眼科輪候時間需要等超過1年4個月，唔想等咁耐嘅話可以考慮買份醫療保險！
香港首間純網上保險公司Bowtie 現已推出自願醫保–靈活計劃，月費最平低至$200*，現時成功投保更可獲限時優惠，即用Bowtie保費計算機進行初步報價！
註︰以上計算的保費僅供參考，你實際需要繳交的保費受時間、通脹、核保等因素影響，並需加上保險業監管局徵收的保費徵費，請下載並查閱標準保費表 (標準 / 靈活「基本」 / 靈活「升級」)
*以25歲非吸煙男性靈活計劃為例，每月保費為$183。
延伸閱讀︰【公立醫院輪候時間】專科門診、手術排期最長等4年！
相關文章︰自願醫保計劃全攻略2019
仁濟服務及收費
| 服務範圍 | |
| 專科及臨床服務 | 24小時急症服務、內科（包括內科復康、康復、療養服務）、外科、兒科（兒童及青少年科）、耳鼻喉頭頸外科、骨科、病理學科、放射診斷、麻醉科、深切治療、心臟深切治療、綜合檢查中心、健康乳腺中心、內分泌外科診所、耳鼻喉日間診療中心、全關節置換中心、急性腦血管治療中心、內視鏡中心、血液透析中心 |
| 日間及專職醫療服務 | 全科診所、家庭醫學專科診所、專科門診、中醫門診（由仁濟醫院董事局提供服務）、藥劑服務、物理治療、職業治療、營養治療、言語治療、聽力診療、足病診療、義肢及矯形、醫務社會服務、健康資源中心、綜合糖尿／內分泌及腎科日間護理服務、兒童及青少年日間診症中心、長者日間醫院 |
- 病床︰722張（截至2016年12月31日）
- 公立醫院收費
中醫診所
仁濟醫院－香港浸會大學中醫教研中心（仁濟）喺2003年成立，設有9間診症室、1間評估室同中藥房，提供中醫診療及針灸服務，另有內科同皮膚科等專家門診服務。呢類中醫教研中心由醫管局、非政府機構同本地大學，用三方伙伴協作模式營運，從而推動中醫門診服務嘅發展同培訓本地中醫。
中藥房提供免煎中藥顆粒同煎藥服務，方便病人服藥。此外，中心近年更喺區內安老院舍同仁濟醫院內提供外展針灸服務同中醫藥健康講座，以應付日益增加嘅需求。
入院前常見問題︰
- 住院前有咩要準備？
病人須自備攜個人日常用品，如漱口盅、牙刷、毛巾、紙巾、濕紙巾、肥皂、拖鞋等。
另外，病人亦須帶備香港身份證或護照及入院紙辦理入院登記手續。如非成年本港居民，或屬公務員及領取公共援助者，可按此瀏覽。
- 仁濟嘅急症室要等幾耐？
病人抵達急症室後，會由富經驗同接受過特別培訓嘅護士，對病人嘅病情作出初步評估，分流護士會根據病情將病人分為五類：
- 危殆
- 危急
- 緊急
- 次緊急
- 非緊急
分流為危殆嘅病人唔駛再等，會即時獲得醫護人員治理。非緊急嘅病人就可能要等較長時間。根據2019年7月18日晚上11時15分嘅資料，仁濟嘅參考等候時間超過3個鐘，可按此查閱 最新輪候時間。
- 家中有經濟困難，可唔可以申請經濟援助？
可以。如果本身領取綜援，只需於每次登記求診時通知職員可以豁免醫療費用，並出示身份證明文件，經職員確認後，即可獲豁免公營醫療服務收費。
如果冇領取綜援，亦可以喺確認符合特定資格同通過經濟審查後，申請公立醫院及診所費用減免、撒瑪利亞基金同關愛基金醫療援助項目。
*本文章內容由Bowtie資訊團隊提供並只供參考，圖片並非仁濟醫院任何設施，Bowtie 亦對任何人因使用或誤用任何信息或內容，或對其依賴而造成的任何損失或損害，不承擔任何責任。
