熱門話題

【通識補習】補習就有好成績?定應該踏實重溫教學內容

通識一科有死亡之卷之稱,對好多人黎講都係很痛苦的一科。問題全部都係開放式、範圍甚廣、無標準答案,令人懊惱。最難係考評局通識科每年都改變題型,題目內容亦會隨時事有所變化,令考生覺得很難預備。無論如何,想攞到入U嘅成績,點都有辦法嘅!今日Bowtie就請來Tutor Circle尋補小編,為您講解通識補習名師選擇、通識溫習小竅門,識得自己訓練自己,分分鐘未必需要通識補習添!
日期 2020-10-27
更新 2020-11-02
目錄
1. 搞清楚概念是基本吧!2. 清晰嘅結構唔少得3. 多看時事 加強能力 4. 中六操題目總結

1. 搞清楚概念是基本吧!

要靠概念再加上延伸例子先會拎到好嘅分數!

第一,通識同大學做assignment有啲似,就係必須要落翻一啲概念去輔助你嘅答題,但做assignment都可以對住份notes搵,考通識就真係只靠你放左幾多概念係個腦到 ,然後靠住呢啲概念再加上延伸例子先會拎到好嘅分數。比個例子,如果你係「全球化」同「成長八階理論」呢啲重要概念都未搞得清楚係咩,最好係通識補習一開始嘅時候,就必需要求通識補習導師同你將呢大堆概念弄個明白先!因為概念係通識科黎講真係非常重要的!

另外,同學一定要清楚記得概念的定義、知佢係咩黎之外,分埋清楚佢係可以放係咩範𤴆上面用,例如「剪刀差」呢個概念就係屬於現代中國範𤴆架啦。

如果概念搞唔清,咩都唔明,就會咩都入唔到腦,去到考試個時答題應用唔到呢啲概念,從而令到答案變得空泛,無概念去Support你嘅答案,又點會高分呢 ?

2. 清晰嘅結構唔少得

令改卷員輕鬆啲,你分分鐘高分啲!

第二,到你分到咩題目可以應用咩概念,就要練成「點寫都清楚易明」嘅神功!因為就算應用到概念,但寫到答案1999,都會有兩個問題:

  1. 改卷嘅人睇唔明
  2. 改左好多份卷嘅人,心力交瘁更加睇唔明

事關你操卷嘅時候,都應該係覺得無問題/已經係最好嘅寫法先會咁寫出黎,所以通識補習嗰時,可以要求通識補習導師幫你執下答題嘅結構,例如係有無精簡嘅topic sentence啦,中間嘅內容嘅組成會唔會係雜亂無章,係咪每段都唔會過短/過長,最後有無補翻個總結等等。等通識補習導師從第三者角度睇下係咪真係睇得明,有問題就再作修改,咁就no problem了!答題結構整齊嘅話,Marker都會睇得舒服啲,俾分都會鬆手啲!

3. 多看時事 加強能力

而家科技咁發達,搭車喺電話/tablet睇下新聞記下例子,已經好好啦!

第三,到上面兩樣基本事項都處理好,就可以進階啲向時事出發!我諗十個有七個學生都唔喜歡睇時事新聞,如果唔係為左考試,可能都唔會每日一篇咁睇新聞 ,但其實吸收多啲時事對你都有用架 :

  1. 萬一題目考起都唔會唔知係咩黎,甚至仲會知多過考卷提供嘅資料
  2. 考起類似嘅題目,可以引用翻相應嘅時事做例子,加強論點嘅說服,呢個就係要睇新聞時事嘅原因!
  3. 加深你對社會嘅認知,成為一個真.知識份子

所以如果一直有通識補習,不妨好好利用通識補習導師呢個資源,提出想探討多啲時事,例如係由通識補習導師幫手整合下同一單新聞裡面,較為重要嘅資訊,當係notes咁等自己可以睇翻,又容易記,咁就happy happy !

4. 中六操題目

第四,就是恆常、頻密地操練試題,特別是中六的同學。例如,每個星期重溫一次單元概念,學習新的答題模式即卷二 b) 題寫最少三個論點,每個論點要分三段做正反駁論:寫完正,再寫反,再寫駁論。整題作答至少要有9段,訓練自己熟悉這個方式答題。

如果正在就讀中六的你,認為學校可提供的操卷量不足夠,建議向補習老師求助,詢問補習老師有否額外的練習卷。最好是與補習老師訂立一個時間表,制定你提交答題的特定日子,及老師要修改好你的答題的日子。如老師真的未有空閒幫忙,會建議同學每星期花一些時間,嘗試自己計時寫答題大綱,訓練自己的思路。

總結

總言來說,相信係通識補習裡面,包含左上述三樣野,加上通識補習導師私人醒你嘅考試技巧,同埋一顆要考好通識嘅心,成績一定會大躍進!

想搵通識補習老師?  如果大家有通識補習的需要,不妨考慮搵Tutor Circle尋補幫幫手,經驗豐富,信譽良好,免費服務配對,為學生提供最優質的私人通識補習導師。

 

分享
本文章內容由 Tutor Circle 尋補 提供並只供參考,不代表 Bowtie 立場,Bowtie 對任何人因使用或誤用任何信息或內容,或對其依賴而造成的任何損失或損害,不承擔任何責任。

相關文章

【避孕藥】事前事後丸有何分別?即了解原理、食法和副作用 【避孕藥】事前事後丸有何分別?即了解原理、食法和副作用
熱門話題

【避孕藥】事前事後丸有何分別?即了解原理、食法和副作用

【移民加拿大2020】資產總值要幾多?移民途徑、計分方法、申請費用逐個睇 【移民加拿大2020】資產總值要幾多?移民途徑、計分方法、申請費用逐個睇
熱門話題

【移民加拿大2020】資產總值要幾多?移民途徑、計分方法、申請費用逐個睇

【催淚彈】為你拆解成份、對人體的影響及清潔方法 ! 【催淚彈】為你拆解成份、對人體的影響及清潔方法 !
熱門話題

【催淚彈】為你拆解成份、對人體的影響及清潔方法 !

想了解更多資訊或優惠,
歡迎透過表格聯絡我們。
其他話題

客戶服務熱線

3008 8123
WhatsApp 對話

熱線及中心服務時間

星期一至五:上午 9 時至下午 7 時
星期六:上午 10 時至下午 2 時
星期日及公眾假期休息

電郵查詢

cs@bowtie.com.hk

© 2020 保泰人壽保險有限公司。版權所有。

我們檢測到您的瀏覽器已經過時。如要得到最佳的瀏覽體驗,請更新或使用其他瀏覽器。 知道了