Bowtie故事

Bowtie x Kayan9896 試吓喺保險廣告拍電影級真爆炸?!

Bowtie 團隊每日都會絞盡腦汁做新嘗試,希望每次都為客戶及觀眾帶嚟新突破!今次 2021 全新廣告就搵嚟人氣急升嘅 Kayan9896 參演,延續往年「自保時代」廣告(由曾俊華參演)入面嘅反烏托邦元素,仲首次搵嚟曾參與《十萬火急》及《高度戒備》等經典港產片嘅爆破團隊挑戰電影級現場爆炸場面!今次製作經歷周詳準備,除咗真爆炸之外,整個製作團隊上下左右均 200% 認真,即刻同大家解構一下!
作者 Bowtie 團隊
日期 2021-10-22
更新 2021-10-27
目錄
介紹創作團隊 RollRollRoll + 新晉導演 Bobyea世界需要 Debug 保險如是點解搵Kayan9896?認真製作 凌晨真爆炸拍攝後記:Bowtie 資深顧問曾俊華點睇 Bowtie 新廣告?Debug 保險 Bowtie搞掂

介紹創作團隊 RollRollRoll + 新晉導演 Bobyea

成事必要有好嘅團隊,今次嘅廣告企劃 Bowtie 就搵嚟新晉團隊 RollRollRoll 負責廣告創作。RollRollRoll 成員從事廣告近 10 年,服務過唔同嘅本地、國際品牌,2020 年開始獨立創作,想試試「品牌」嘅力量可以行到幾遠。製作方面,我們邀請了本地攝影師 Bobyea – 曾任職廣告美術總監,後來到東京學習攝影,回港後專注發展攝影事業。Bobyea 今次更同時兼任硬照攝影師及廣告片導演,有別於一般廣告製作影片與平面照分開拍攝!

Debug 保險StoryBoard
Debug 保險StoryBoard

經過多輪討論與修改後的廣告 storyboard。團隊從電影 Kingsman當中的爆炸視覺效果得到啟發,應用到廣告製作上。

Bowtie 自願醫保 - 幫到你 答到盡 Claim 到順

(含劇透)電影 Kingsman 的爆炸花絮。

世界需要 Debug 保險如是

Bowtie 聯同創作團隊於創作初期曾經構思過百個概念及標語,最終鎖定「Debug」。「Debug」一字源自程式編碼(programming),意思將程式中的錯誤(bugs)找出並去除,將程式改良,帶嚟更好嘅結果。放於普世,「Debug」係一種態度,一種進步精神,追求去蕪存青,去除唔適合自己嘅嘢,鼓勵大家繼續向前。

「Debug」象徵嘅價值同 Bowtie 成立初心「Make Insurance Good Again」完全吻合。Bowtie 團隊不時會做市場調查,常常發現消費者對保險印象存在「好複雜」,「好麻煩」,「係咪Sell嘢」等刻板印象。而今次Bowtie 「Debug 保險」就係想打破這些印象 – Bowtie 希望為保險 Debug,為大家帶嚟更好嘅保險體驗。

Debug 保險現場拍攝場景
Debug 保險現場拍攝準備中

左:現場拍攝場景;右:現場拍攝準備中。

Debug 保險後台備用道具

後台備用道具。

需要“被Debug”嘅道具
需要“被Debug”嘅道具

需要「被Debug」嘅道具。

經美術團隊 Point Studio 設計後嘅道具場景

經美術團隊 Point Studio 設計後嘅道具場景。

點解搵Kayan9896?

邀請 Kayan 參與拍攝當然係想更多人看到廣告,感受 Debug 保險體驗。而製作團隊亦確實非常欣賞 Kayan,廣告造型更加同 Kayan 早前造型不謀而合地用棒球棍作道具。拍攝期間 Kayan 仲表示係首次飾演性格如此鮮明又有發揮嘅廣告角色,非常興奮!

Kayan 1年前出道於試當真 Youtube Channel,外貌以外更憑佢嘅活力同真性情,勇於嘗試不同角色而知名度大增,得到廣泛觀眾嘅喜愛。最近一曲《係咁先啦》更加唱到街知巷聞。Youtube 嘅興起改變咗傳統娛樂模式,同 Bowtie Debug 保險一樣都係帶嚟創新同進步,所以團隊都覺得由 Kayan 參演今次 Debug 保險廣告更能深化當中嘅意義。

Kayan9896 拿起棒球棍

Kayan 在廣告中造型咁啱同之前Youtube試玩毛節目一樣都係手執棒球棍 ⚾。

Kayan9896 廣告硬照拍攝現場
Debug 保險拍攝

廣告硬照拍攝現場!

Debug 保險拍攝

為營造畫面效果需要在現場放煙,Kayan未驚過!但當煙太大嘅時候…

現場太大煙

太大煙就要走先喇係咁先喇,避避先!

認真製作 凌晨真爆炸拍攝

籌備製作嘅期間,團隊思考應該如何在畫面上表達 Bowtie 去除傳統保險當中嘅經紀,佣金,左約右約,複雜程序,高保費等。RollRollRoll 團隊最初提議不如效法 Kingsman 電影入面嘅 CG 爆炸效果?導演 Bobyea 更加大膽提議拍攝真實嘅爆炸場面,令畫面更真實,更有質感。

於是乎團隊邀請咗曾經參與拍攝《十萬火急》及《高度戒備》等經典港產片嘅專業電影爆破團隊加盟今次製作,於拍攝當日現場引爆道具進行拍攝。由於炸藥有限,準備需時,每一個拍攝鏡頭都要非常細心準備。為求完美,團隊需要加拍至凌晨3點才完成拍攝。廣告片段中出現嘅幾個爆炸場面,其實係現場用咗多個小時預備,經過超高速攝影,最終得出嘅精彩畫面!

拍攝每個爆炸場面前都經過製作團隊悉心準備,包括道具位置,爆炸方向及程度等。

爆炸團隊為拍攝電話爆炸場面準備中。

現場超高速攝影機拍下嘅爆炸瞬間。 

Bowtie投保無紙張無須筆

喺 Bowtie 投保無紙張,無須用筆。

爆炸過後痕跡

爆炸過後嘅痕跡!

後記:Bowtie 資深顧問曾俊華點睇 Bowtie 新廣告?

作為 Bowtie 上年廣告嘅演出者兼 Bowtie 資深顧問,曾俊華有咁嘅評價:「我好鍾意 Debug 呢個概念。Debug 係一種改良,會帶嚟更好嘅方法,可以解決更多問題,為世界帶嚟進步。為社會解決問題係新時代企業嘅責任。正如早前保險監管局嘅研究指出香港嘅壽險滲透率雖然高踞全球,但係仍然存在 6.9 萬億嘅保障缺口。呢個其實係因為香港廣泛流行儲蓄及投資成分嘅保障產品,未釐清保障同投資需要,導致唔少人未必買得其需。加入咗 Bowtie 兩年多,我見證住佢哋不斷成長,著力為世界提供純保障保險,為社會填補保障缺口,每日都喺度 Debug。」

曾俊華Bowtie自保時代廣告

2020 年曾俊華曾在Bowtie自保時代廣告中出演。

Bowtie自保時代廣告

2020 年曾俊華曾在Bowtie自保時代廣告中出演。

Debug 保險 Bowtie搞掂

Bowtie 團隊非常感激是次企劃過程中參與嘅每一員。「Debug 保險」唔單止係廣告標語,亦係 Bowtie 團隊嘅持續使命。Debug 係一個持續嘅過程,所以今次只係一個開始。大家繼續努力,在各自崗位上 Debug,為世界帶嚟更多進步!係咁先啦,下次再玩啦!

製作團隊與 Kayan 完成拍攝後嚟個大合照

製作團隊與 Kayan 完成拍攝後嚟個大合照!

Kayan9896 : Debug 保險 Bowtie搞惦

特別鳴謝單位:

 

分享
這篇文章有用嗎?
3
0
本文章內容由 Bowtie 團隊 提供並只供參考,不代表 Bowtie 立場,Bowtie 對任何人因使用或誤用任何信息或內容,或對其依賴而造成的任何損失或損害,不承擔任何責任。此文章內任何與 Bowtie 產品相關的內容僅供參考及作教育用途,客戶應參閱相關產品網頁內詳細之條款及細則。
Bowtie Pink 自願醫保

相關文章

Bowtie完成B1輪融資 獲三井領投超過二千萬美元 將致力拓展業務至其他亞洲市場 Bowtie完成B1輪融資 獲三井領投超過二千萬美元 將致力拓展業務至其他亞洲市場
Bowtie故事

Bowtie完成B1輪融資 獲三井領投超過二千萬美元 將致力拓展業務至其他亞洲市場

【曾俊華說未來】如何從咖啡業中找到藍海,打造香港人想飲的咖啡? 【曾俊華說未來】如何從咖啡業中找到藍海,打造香港人想飲的咖啡?
Bowtie故事

【曾俊華說未來】如何從咖啡業中找到藍海,打造香港人想飲的咖啡?

【曾俊華談自保】當個有溫度的資本家 【曾俊華談自保】當個有溫度的資本家
Bowtie故事

【曾俊華談自保】當個有溫度的資本家

10 月 16 日前,任何客戶以優惠碼「OCTFLASH」成功投保 Bowtie 自願醫保,首年保費 7 折!
比較 Bowtie 自願醫保產品

其他話題

電郵查詢

一般查詢
hello@bowtie.com.hk
傳媒查詢
media@bowtie.com.hk
合作推廣
partner@bowtie.com.hk

© 2022 保泰人壽保險有限公司。版權所有。

我們檢測到您的瀏覽器已經過時。如要得到最佳的瀏覽體驗,請更新或使用其他瀏覽器。 知道了