3 分鐘召喚出你內心嘅 HR 小動物

「講到一間公司最吃力不討好嘅部門，非 HR 莫屬！老闆同事公司上下事無大小總之同人有關嘅事都關佢 HR 事！疲於奔命日日冇停手，仲要預咗吃力不討好，咁辛苦點解仲要做 HR？因為 HR 係公司不可或缺嘅角色，係上下嘅溝通橋樑，由搶人才到培育人才、員工福利及晉升階梯，每個月出糧供強積金都關 HR 事！各位打得又砌得、百變又萬能嘅 HR 們，辛苦曬！」

「做 HR 從來都係做緊啲兩難嘅工作。不過就算幾難，記住都唔可以冇咗自己，最重要嘅係對得住自己，對得起人。

希望各位保持頭腦清醒，心臟強大，要相信自己發揮到 HR 嘅最大功能。」

「『有電就關 IT 事，有人就關人事（HR）』。HR 同其他工作最唔同嘅地方就係要處理『人』嘅問題，請人、炒人、人事糾紛、員工遲到早退、請假、計糧、做心理輔導等等全部都關 HR 事，無三頭六臂都搞唔掂，所以有句戲言『前世做壞事，今世做人事』，但幫到人本身就係一件好事。

例如宣佈壞消息都好，只要做到不偏不倚，盡可能減低對方嘅負面情緒，其實已經係做緊一件有價值嘅好事。」

「做 HR 要平衡公司同同事既利益同自己嘅工作量，要公道得黎又 Caring，做得好係應份，做錯就一定俾人鬧爆。係辛苦㗎，不過就係難度高，所以挑戰成功先會更加有滿足感，係咪？不論你係邊一種 HR，一齊加油啦。」

「HR 企喺公司同員工中間，腦細覺得 HR 淨係識得洗錢；同事覺得 HR 淨係識得⋯⋯唔係，係乜都唔識。家嫂真係好冤枉呀！

我哋為咗滿足同事同老細，捐窿捐罅搵最好玩嘅 Team Building、最抵嘅 Staff Offer、最全面嘅 Benefits⋯⋯絞盡腦汁無非都係想『員工開心，老闆放心』啫。在此向一眾 HR 家嫂們致敬！🫡」

「呢幾年香港發生咗好多大事，國際社會亦急劇轉變咗好多，例如疫情令到公司政策需要大幅修定、人工智能冒起令到公司無可避免要數碼轉型、經濟下滑令到企業需要重組或裁員等，HR 部門首當其衝要處理以上各種事項，但都唔好忽略咗自己。面對難關，我地要先處理好自己心情，才可以好好解決事情。大家加油！ 💪」

「雖然公司內不時同事之間互相會有競爭，但更多嘅係合作關係。一間公司要嘅唔係弱肉強食嘅『叢林法則』，而係需要建立互相關懷嘅「動物世界」！人力資源部就係呢個『動物世界』嘅管理員，負責維持好公司內嘅秩序。」

「HR 在職場扮演嘅角色多多，除了要做個「Carer」，照顧同事嘅工作滿足度；又要做個「Creator」，幫公司謀定人才策略。好多 HR 都話，每日經常忙到唔知自己做緊咩，覺得非常迷茫。但唔好灰心，HR 嘅價值係會被看見嘅。」

「好多人覺得除咗見工、出糧、報稅同離職嘅 Moment 之外，HR 嘅存在感好似唔係好大，但其實 Hiring、Salary Benchmark 同 Payment 之中每一環都唔簡單㗎！負責穩妥地完成每一項工作嘅 HR，都係維持一間公司運作嘅重要角色！」