保險知識

【公務員福利】政府工都需要買醫療保險?了解公僕醫療及牙科保障!

個個都想做公務員,唔通公務員嘅福利真係咁好?根據公務員事務規例第 900 條,喺醫療方面,政府工嘅公立醫療費用基本上全免,只需要繳付住院費,連配偶及子女都可以享有醫療福利,咁係咪就唔需要買醫療保險?
作者 Bowtie 團隊
日期 2019-07-10
更新 2020-09-23
目錄
公務員醫療福利資格公務員基本醫療及牙科福科由衞生署提供之醫療及牙科服務想獲得更加全面嘅醫療保障?

根據一項公務員調查顯示,超過 60% 公務員擔心公立醫療未能提供最好嘅藥物,有 5 成人則擔心住院環境,逾 9 成公務員希望到私家醫院接受治療。Bowtie資訊團隊為你整理公務員嘅醫療及牙科福利,睇真啲醫療保障係咪足夠!

公務員醫療福利資格

除咗月薪公務員同佢哋嘅家屬外,以下人士亦可享有公務員嘅醫療福利(包括免費獲得醫療意見及診治、X 光檢驗及藥物供應):

  • 因公受傷的日薪人員
  • 領取退休金或年積金的居港退休公務員及他們的居港家屬
  • 殉職公務員的居港家屬
  • 在職期間或退休後身故公務員的居港家屬(正根據孤寡撫恤金計劃或尚存配偶及子女撫恤金計劃領取撫恤金)

新制公務員(在 2000 年 6 月 1 日後入職之公務員)及佢哋嘅家屬喺退休後會失去醫療保障,而退休嘅舊制公務員及其家屬都必須居港,先可以繼續享用免費醫療服務。無論新舊制公務員,年滿 21 歲嘅子女或已婚子女都不納入醫療保障中。

Bowtie自願醫保

公務員基本醫療及牙科福科

根據《公務員事務規例》,公務員及合資格人士除咗要畀住院費、假牙及口腔裝置費用外,可免費享用衞生署及醫院管理局嘅醫療及牙科服務:

由醫院管理局提供之免費醫療服務

  • 普通科門診:現職公務員可於上午及下午診症時段獲優先派籌,屯門診所嘅夜間診症時段亦會提供公務員優先籌號。呢個優惠只限現職公務員,而退休公務員或公務員家屬則不獲優先派籌。全港普通科門診診所一覽
  • 專科門診:除咗免費專科門診服務外,亦設有 4 間專供公務員及合資格人士使用嘅專科診所服務,包括伊利沙伯醫院 L 座、威爾斯親王醫院 9H 專科診所、瑪麗醫院星期六專科診所和伊利沙伯醫院 G 座加強診斷服務。全港專科門診診所一覽
  • 急症室服務:免費享用全港 16 間公立醫院嘅急症室服務。全港公立醫院急症室一覽
  • 住院服務:可以特惠住院費入住公立醫院,公務員住院收費如下:
病床等級 每日收費(港幣)
頭等病床 $422
二等病床 $315
特別病床 $274
公眾病床
  • 西餐︰$204
  • 特別中餐︰$138
  • 中餐︰$68

然而,醫管局嘅私家診所服務唔納入公務員嘅醫療及牙科福利中,所以公務員即使去醫管局嘅私家診所亦要自行付費。

由衞生署提供之醫療及牙科服務

  • 公務員診所:全港共有 6 間公務員診所提供門診服務,供公務員及資格人士預約。全港公務員診所一覽
  • 牙科服務:公務員可於全港約 40 間牙科診所享用牙科服務,包括定期檢查、洗牙、補牙等。全港政府牙科診所一覽

除此以外,如果醫管局或衞生署主診醫生因醫療需要為病人開處須付款嘅藥物、儀器或服務,公務員及合資格人士可向衞生署申請發還醫療費用。

由此可見,其實除咗 4 間專科門診、6 間公務員診所以及普通科門診有優先籌外,公務員並無其他專屬醫療服務。

值得留意,公立醫院嘅資源有限,輪候時間亦要根據實際病床資源和臨床使用率而定,所以公務員亦唔一定可得到醫療優待,輪候時間亦與一般人士相約,病情未必能即時處理。

想獲得更加全面嘅醫療保障?

如果想住私家醫院或接受私家醫療服務,公務員同一般市民一樣要負擔相關費用,而醫療保險就可以 Cover 部份甚至全數支出。

資料來源
分享
本文章內容由 Bowtie 團隊 提供並只供參考,不代表 Bowtie 立場,Bowtie 對任何人因使用或誤用任何信息或內容,或對其依賴而造成的任何損失或損害,不承擔任何責任。

相關文章

【汽車保險】什麼是NCB?三保、全保有何分別? 【汽車保險】什麼是NCB?三保、全保有何分別?
保險知識

【汽車保險】什麼是NCB?三保、全保有何分別?

醫療保險保費年年加?了解加價4大原因+邊間逆市減保費! 醫療保險保費年年加?了解加價4大原因+邊間逆市減保費!
保險知識

醫療保險保費年年加?了解加價4大原因+邊間逆市減保費!

人壽保險分哪幾種?4種常見計劃保費、賠償方式大不同! 人壽保險分哪幾種?4種常見計劃保費、賠償方式大不同!
保險知識

人壽保險分哪幾種?4種常見計劃保費、賠償方式大不同!

想了解更多資訊或優惠,
歡迎透過表格聯絡我們。
其他話題

客戶服務熱線

3008 8123
WhatsApp 對話

熱線及中心服務時間

星期一至五:上午 9 時至下午 7 時
星期六:上午 10 時至下午 2 時
星期日及公眾假期休息

電郵查詢

cs@bowtie.com.hk

© 2020 保泰人壽保險有限公司。版權所有。

我們檢測到您的瀏覽器已經過時。如要得到最佳的瀏覽體驗,請更新或使用其他瀏覽器。 知道了