保險知識
保險知識

買保險有用嗎?有咩注意事項?即睇大學畢業最常犯6大理財錯誤!

大學剛畢業,你有沒有試過幫朋友買過一些昂貴的儲蓄保險?亂花金錢在沒有投資價值的東西?即睇6個職場新鮮人應避免的錯誤!
作者 Planto
日期 2018-12-17
更新 2023-11-03
目錄
1. 買太多非必要嘅保險產品2. 太早搬出嚟租樓住3. 花太多錢消遣娛樂4. 忽略MPF戶口5. 管理信用卡不善6. 缺乏全盤目標與計劃
Bowtie四月網誌專屬優惠碼

假如個人財政係一盤生意,你當然希望自己能夠賺錢,而唔係蝕盤貨。但點樣先可以管好自己盤數?Planto 同你分享6個職場新鮮人應避免嘅錯誤:

1. 買太多非必要嘅保險產品

畢業之後,你身邊總有幾個朋友或舊同學,忽然約你聚舊,然後推銷保險。買保險,有助你在發生突發事故、失去主要收入來源時,得到基本生活保障但購買前要做足功課,分辨邊啲係對你最有用嘅產品。

譬如說,廿幾歲的你,未必要咁早開始供年期長而保費較貴嘅儲蓄人壽保險;相反,有保障成份嘅人壽同醫療保險就越早買越平,可優先考慮;好多公司都有提供一份最基本嘅醫療保障俾僱員,你亦要衡量是否夠用。

買有投資成份嘅保險時,記得細閱條款,了解張保單有幾多價值屬於「非保證」、提早cut單會損失幾多等重要事項。

請緊記量入為出,唔好為咗挨義氣幫朋友開單,而買下你並唔需要嘅保險產品。如果朋友正不斷游說你買保險,而你剛好有需要,請評估一下呢位朋友是否誠實可靠,以及會否喺保險業長期發展,避免你日後有需要claim賠償時,先發現條款同你理解嘅「貨不對辦」。

如到時朋友已經離職,你嘅保單可能淪為冇人跟進嘅「孤兒單」。就算保險公司搵咗另一個Agent幫你跟,佢好可能只會提供基本服務。

想轉份醫保單嚟 Bowtie?

用 Bowtie 網誌專屬優惠碼【BLOGMAY】投保。喺稅務優惠減少嘅年代,買自願醫保加強醫療保障之餘,仲可以幫你慳多啲稅!

即刻投保VHIS!

2. 太早搬出嚟租樓住

大學生喺住hall生涯習慣自由自在,或唔再想與家人同住,惟香港租金騰貴,租住市區一個300至400呎小單位,索價通常過萬蚊,大學畢業生平均起薪只有約$15,000,一個人租樓,幾可肯定用咗一大部份糧,即使二人合租,租金支出亦可能超過收入一半。對大多數畢業生而言,唯有租住較平嘅共居空間或劏房,先可能維持到儲蓄目標。

租金例子

搬出嚟住無非為自由,但若此舉反而令你受租金束縛,豈非本末倒置?如果,家人能為你提供棲身之所,請好好考慮繼續與家人同住,既可慳番租金,每月亦可向父母上繳較高金額嘅家用,報答養育之恩。

3. 花太多錢消遣娛樂

食一次自助餐花費$500,買一部新手機要$7,000,去日本玩一轉要過萬蚊,呢啲享受全部索價不菲。初嘗自主理財嘅你,難免心癢難耐,咩都想試一試,如是者,你有機會入不敷支。

要維持work life balance,適當嘅消遣娛樂係必要的,但緊記量入為出。想放鬆心身,你唔係事必要出國,香港嘅自然風光從來不輸鄰近亞洲國家,留港行山,到海灘暢泳,都係平價享受。

手機有冇必要年年換?蘋果預期iPhone使用壽命為3年,你未必需要太早換機,如果嫌續航力不足,換粒電池會係較環保嘅做法。飲食方面,有時候放棄豪飲豪食,走進隱世平民小店,品嘗風味地道嘅本土美食,亦係廉價而寫意嘅滋味。

4. 忽略MPF戶口

你可能喺過去做暑期工時,已經擁有幾個強積金戶口。戶口金額太少,或令你大感食之無味,你甚至可能連自己名下有幾多個強積金戶口忘記得一乾二淨。

儘管呢一刻你嘅強積金賬戶金額雖少,亦不失為職場新鮮人初體驗投資嘅好機會,只要妥善管理、日積月累,他朝你會擁有一筆可觀退休金。

想確認自己擁有幾多個強積金戶口,請填妥並向積金局遞交「個人帳戶資料查詢表格」,查清賬戶後,你可把現有多個戶口重新整合,以方便管理,方法係填妥「計劃成員整合個人帳戶申請表」,交俾你所選定嘅受託人。

亦可到積金局個人電子賬戶查詢網站或下載專用嘅iOS或Android應用程式

5. 管理信用卡不善

開始全職工作、擁有收入證明後,有人會鬆毛鬆翼,申請多張信用卡,瘋狂購物,滿足學生時代抑壓多年嘅購買慾。但用信用卡簽賬必須準時還款,任何遲找卡數嘅記錄,都會喺你個人信貸記錄留下5年烙印,他朝向銀行申請按揭貸款,亦可能受影響。

畢業生擁有一至兩張信用卡已經足夠,否則申請得太多,張張卡還款日期唔同,會增加忘記還款風險。如果你擁有多張credit card,建議你下載返個智能理財app,喺還款日前自動提醒你準時找卡數。

6. 缺乏全盤目標與計劃

學周星馳經典對白話齋:「做人如果無夢想,同條鹹魚有乜分別?」工作賺錢,並唔係只為生存,你必須有夢想、有目標,先有動力發奮。儲錢亦一樣,請問問自己,我的錢儲來做什麼?為了讀PHD去旅行?買樓?買車?

建議你可用坊間的理財app追蹤開支及制定個人預算,檢討支出是否用得其所,從而改善理財,並開始為置業、旅遊、結婚等目標好好儲錢。

分享
這篇文章有用嗎?
1
0
本文章內容由 Planto 提供並只供參考,不代表 Bowtie 立場,Bowtie 對任何人因使用或誤用任何信息或內容,或對其依賴而造成的任何損失或損害,不承擔任何責任。此文章內任何與 Bowtie 產品相關的內容僅供參考及作教育用途,客戶應參閱相關產品網頁內詳細之條款及細則。
危疾復發Bowtie最多賠5次

相關文章

【醫療通脹2023】過去7年手術費加多少?哪份保險可以抗通脹? 【醫療通脹2023】過去7年手術費加多少?哪份保險可以抗通脹?
保險知識

【醫療通脹2023】過去7年手術費加多少?哪份保險可以抗通脹?

大額醫療保險是什麼?投保前有咩要注意? 大額醫療保險是什麼?投保前有咩要注意?
保險知識

大額醫療保險是什麼?投保前有咩要注意?

【加Loading】馬上了解買保險時為何會被加「額外保費」! 【加Loading】馬上了解買保險時為何會被加「額外保費」!
保險知識

【加Loading】馬上了解買保險時為何會被加「額外保費」!

⚡Bowtie 網誌專享慳稅優惠: 自願醫保首年保費低至 55 折
立即投保

其他話題

電郵查詢

一般查詢
hello@bowtie.com.hk
傳媒查詢
media@bowtie.com.hk
合作推廣
partner@bowtie.com.hk

© 2024 保泰人壽保險有限公司。版權所有。

我們檢測到您的瀏覽器已經過時。如要得到最佳的瀏覽體驗,請更新或使用其他瀏覽器。 知道了
咩 Plan 啱你 →