Bowtie

健康生活

【醫療券】即睇用途、限制、申請及查詢餘額方法!

香港政府喺2009年推出長者醫療券計劃,透過資助減輕公共醫療負擔,讓長者選擇啱佢哋嘅私營醫療服務,提供更多醫療選擇!2019年最新嘅財政預算案更將醫療券(英文︰Health Care Vouchers)加碼,長者除咗獲發一次性額外$1,000醫療券金額外,醫療券累積金額亦提高至$8,000,同時設每兩年$2,000嘅視光服務金額上限。Bowtie資訊團隊整合長者醫療券嘅相關資訊,讓大家更了解醫療券嘅用途、申請方法及相關限制!
作者 Bowtie 團隊
日期 2019-07-29
更新 2020-09-10
目錄
醫療券金額有幾多?申請資格及方法醫療券有咩用途?如何使用醫療券?唔買得眼鏡?醫療券有咩限制?如何查閱醫療券餘額?

醫療券金額有幾多?

根據2019年最新嘅財政預算案,每位合資格長者可享有每年$2,000醫療券金額。

每位長者喺2018年6月8日及2019年6月26日更獲發額外$1,000一次性金額,更可累積醫療券金額至上限$8,000,沒有年期限制。每張醫療券面值為$1,讓長者可彈性支付診金,而每次使用嘅醫療券金額亦不設上限。

申請資格及方法

長者只要年滿65歲並持有有效香港身份證,即可享用醫療券服務。

申請方法好簡單,只要去任何已登記嘅醫療服務提供者出示香港身份證或《豁免登記證明書》,細閱及同意「醫療券使用者同意轉交個人資料」內容後,完成簡單登記程序即可。相關嘅醫療券金額會根據長者嘅合資格使用年份,存入醫療券戶口。

醫療券有咩用途?

長者可以喺任何已登記參加計劃嘅醫療機構使用醫療券,根據2019年第一季嘅統計,已登記嘅服務提供者逾8,000個,當中包括︰

10種可提供醫療劵服務之醫療專業人員

西醫 中醫
牙醫 職業治療師
物理治療師 醫務化驗師
放射技師 護士
脊醫 視光師

長者可以用醫療券繳付預防性、治療性及復康性服務。所以無論係有病睇醫生,定係想身體檢查預防疾病發生,都可以使用醫療券繳付醫療開支。

已登記嘅醫療機構門口當眼處都會貼有醫療券標誌(見下圖),你亦可按此查看合資格醫療服務者名單。同時, 政府已將香港大學深圳醫院試點計劃恆常化。

醫療券

如何使用醫療券?

長者睇醫生時,只要出示香港身份證或或《豁免登記證明書》,表明會使用醫療券。完成醫療服務後,簽名同意使用醫療券金額即可。該醫療機構亦會提供「醫療券使用記錄」,畀長者知道自己用咗幾多、剩返幾多。

醫療券會以電子方式透過「醫健通」系統發放同使用,無任何實體醫療券(毋須打印出來),所以長者使用時,亦唔洗預先登記或領取醫療券。

唔買得眼鏡?醫療券有咩限制?

醫療券只適用於繳付已登記計劃的醫療服務提供者,旨在加強長者的基層醫療服務,所以並不適用於以下項目:

  • 純粹購買藥物、眼鏡、海味或醫療用品
  • 獲政府資助的公共醫療服務
  • 住院服務或任何日間手術(如白內障手術或內窺鏡檢查)
  • 任何預繳醫療服務

每年計劃期內未用嘅醫療券金額,可累積到下年使用,但累積上限為$8,000。可是,視光服務配額則不可以累積,如果兩年期內用唔晒$2,000則會自動失效。

除此以外,醫療券不可兌換成現金、轉贈他人或與別人共享,使用醫療券嘅金額亦唔可以超過該次醫療服務收費。醫療券會於每年嘅1月1日存入戶口內,不設提前發放,亦唔可以預支未發放嘅醫療券。

2019年4月1日,食物及衞生局推行自願醫保計劃,15日大至80歲長者都可以投保,認可保險產品保障包括醫療券支付唔到嘅合資格住院及日間手術費用。

香港首間純網上保險公司Bowtie 亦都有參與計劃,推出咗自願醫保產品,65歲非吸煙男性每月保費最平約$611*,每年保障額為$42萬。

如何查閱醫療券餘額?

醫療服務機構每次扣除醫療券金額後,都會發給長者一張「醫療券使用記錄」。記錄上會清楚列明扣取前、已扣取及剩餘嘅金額。

長者或其親友及照顧者亦可登入醫療券網站或致電醫療券結存查詢熱線2838 0511,查詢醫療券餘額及相關詳情。

資料來源
分享
* 本文章內容由 Bowtie 團隊 提供並只供參考,不代表 Bowtie 立場,Bowtie 對任何人因使用或誤用任何信息或內容,或對其依賴而造成的任何損失或損害,不承擔任何責任。

相關文章

【益生菌】可以醫濕疹?了解好處及副作用! 【益生菌】可以醫濕疹?了解好處及副作用!
健康生活

【益生菌】可以醫濕疹?了解好處及副作用!

【卡路里】減肥淨係睇熱量?營養師教你5大健康飲食秘技! 【卡路里】減肥淨係睇熱量?營養師教你5大健康飲食秘技!
健康生活

【卡路里】減肥淨係睇熱量?營養師教你5大健康飲食秘技!

【減肥餐單】制定Keep Fit計劃前  營養師幫你糾正6大致肥誤解! 【減肥餐單】制定Keep Fit計劃前  營養師幫你糾正6大致肥誤解!
健康生活

【減肥餐單】制定Keep Fit計劃前 營養師幫你糾正6大致肥誤解!

想了解更多資訊或優惠,
歡迎透過表格聯絡我們。
其他話題

客戶服務熱線

3008 8123
WhatsApp 對話

熱線及中心服務時間

星期一至五:上午 9 時至下午 7 時
星期六:上午 10 時至下午 2 時
星期日及公眾假期休息

電郵查詢

cs@bowtie.com.hk

© 2020 保泰人壽保險有限公司。版權所有。

我們檢測到您的瀏覽器已經過時。如要得到最佳的瀏覽體驗,請更新或使用其他瀏覽器。 知道了