手術費 =「醫生費」+「醫院費」

做手術前,想準確計算保險賠到幾多其實並唔容易,因為大部分私家醫院都將整項費用分為「醫生費」及「醫院費」。而且每間醫院對於呢兩項收費嘅定義都有少少唔同,唔代表埋單果陣淨係會收你「醫生費」及「醫院費」。

通常你要主動「請求」醫院仔細分開唔同費用,先對比到保單唔同項目嘅賠償額,再估計埋單要俾幾錢。

聖保祿醫院為例︰

醫生費 = 麻醉師費、醫生手術費和巡房費等。

醫院費 = 入院服務、病房收費、手術室房租、使用儀器設備及相關物料費、護理程序、 診斷檢查、藥費、藥物注射費、治療及有關物料費、膳食及雜項收費等。

延伸閱讀︰【私家醫院收費比較】病房日租最平$120?最貴$45,000!

延伸閱讀︰【私家醫院收費比較】照一次CT/MRI/PET收幾錢?

手術費及醫生費

Bowtie 資訊團隊去咗聖保祿醫院港怡醫院嘉諾撒醫院浸會醫院聖德肋撒醫院仁安醫院及荃灣港安醫院嘅官網,整理咗7項香港比較常見嘅手術收費俾大家參考一下︰


註︰點擊以上手術連結可直接查看價錢參考

大腸內窺鏡檢查 +/- 瘜肉切除術

 

醫院 日間 住院
聖保祿醫院 $15,379 $21,574
港怡醫院 $14,731 $19,719
嘉諾撒醫院 沒有列明 $22,445
浸會醫院 $14,584 $21,952
聖德肋撒醫院(法國醫院) $17,883 $22,300
仁安醫院 沒有列明
荃灣港安醫院 $29,078 $45,364

註︰上述手術收費均為過往統計之中位數

「大腸內窺鏡檢查 + 瘜肉切除術」係其中一個比較常見嘅小型手術,過往參考收費介乎$14,584至$45,364。

港怡醫院嘅「全包形式定額收費醫療套餐」就更加仔細列明切幾多粒就收幾錢,日間手術費為$10,800*至$18,600*,住院手術收費為$15,700至$20,800*嘉諾撒醫院 亦有提供手術套餐,住院收費介乎$8,940至$11,180^

荃灣港安醫院嘅大腸內窺鏡檢查日間手術套餐之價錢為$10,715

相關文章︰【浸會醫院】交通、電話、探病時間、實用收費一覽!

相關文章︰【仁安醫院】一文睇晒常見收費、電話、交通等實用資料!

*視乎瘜肉數量及麻醉方式  ^視乎有否跟進治療

香港首間純網上保險公司Bowtie 現已推出自願醫保–靈活計劃保障範圍擴展至包括日間手術,例如在日間診療中心進行嘅內窺鏡,月費最平唔使$200*,7月1日至31日(包括首尾兩日)在投保時輸入優惠碼 「BOWTIE」 並成功投保,可享1個月保費減免# 兼享 $2,000 BowtieCash^,即用Bowtie保費計算機進行初步報價!

註︰以上計算的保費僅供參考,你實際需要繳交的保費受時間、通脹、核保等因素影響,並需加上保險業監管局徵收的保費徵費,請下載並查閱標準保費表 (標準 / 靈活「基本」 / 靈活「升級」)

*以25歲非吸煙男性靈活計劃為例,每月保費為$183。

#於推廣期內成功投保,可於保單生效後第四個月享有免保費優惠。

^BowtieCash獎賞計劃 – 助你索償時,支付任何超過保泰自願醫保計劃賠償額的合資格醫療費用,須受有關條款約束。詳情請參閱推廣活動細則
Bowtie曾俊華對Bowtie自願醫保產品、BowtieCash、索償及投保過程有疑問?同我哋傾吓啦!

延伸閱讀︰【大腸癌】全面了解成因、症狀、存活率、治療方法及大腸鏡檢查!

胃鏡檢查 +/- 瘜肉切除術

醫院 日間 住院
聖保祿醫院 $14,910 $23,476
港怡醫院 $14,599 $22,494
嘉諾撒醫院 沒有列明 沒有列明
浸會醫院 $14,236 $25,259
聖德肋撒醫院(法國醫院) $18,349 $25,067
仁安醫院 沒有列明
荃灣港安醫院 $24,948 $53,002

註︰上述手術收費均為過往統計之中位數

「胃鏡檢查 +/- 瘜肉切除術」同腸鏡一樣都係比較簡單嘅手術,港怡醫院 嘅日間手術套餐收費為$8,300*至17,700*嘉諾撒醫院嘅住院套餐就最平,唔使$7,000。

荃灣港安醫院 都有提供日間手術套餐,收費為$7,810

*視乎數量及麻醉方式

相關文章︰【港怡醫院】即睇港怡常見收費、電話、交通等實用資料!

相關文章︰【荃灣港安醫院】即睇常見收費、電話、交通等實用資料!

白內障晶狀體乳化術 + 人工晶體植入(白內障手術

醫院 日間 住院
聖保祿醫院 $20,050 $31,316
港怡醫院 $21,852 $26,020
嘉諾撒醫院 沒有列明
浸會醫院 $16,360 $43,239
聖德肋撒醫院(法國醫院) $21,556 $40,086
仁安醫院 $16,540 沒有列明
荃灣港安醫院 $37,690 $42,580

註︰上述手術收費均為過往統計之中位數

白內障通常發生喺老人家身上,而「白內障晶狀體乳化術 + 人工晶體植入」嘅手術費Range都幾大,介乎$16,360至$43,239,分別在於「日間手術」或「住院手術」。

相關文章︰【法國醫院】即睇聖德肋撒醫院常見收費、電話、交通等實用資料!

相關文章︰【聖保祿醫院】入院前睇定常見收費、電話、交通等實用資訊!

膽囊切除術

醫院 住院(腹腔鏡 住院(開放式)
聖保祿醫院 $66,294 $103,650
港怡醫院 $74,905 沒有列明
嘉諾撒醫院 $71,735 $234,092
浸會醫院 $71,517 $144,063
聖德肋撒醫院(法國醫院) $61,032 $68,240
仁安醫院 $73,580 沒有列明
荃灣港安醫院 $148,282 沒有列明

註︰上述手術收費均為過往統計之中位數

「膽囊切除術」係一個比較複雜嘅手術,一定要住院,所以整體收費都會比較貴,「腹腔鏡式」收費介乎$61,032至$148,282,而「開放式」通常會令住院時間延長,收費可高達$23萬

至於港怡嘅「腹腔鏡式膽囊切除術」套餐就收$71,800至$81,440(視乎刀型),而「開放式」套餐就收$76,720荃灣港安醫院 嘅「腹腔鏡式膽囊切除術」套餐價錢為$72,440

膝關節內窺鏡檢查

醫院 日間 住院
聖保祿醫院 $43,560 $60,542
港怡醫院 未有列明 未有列明
嘉諾撒醫院 未有列明 $54,718
浸會醫院 未有列明 $57,076
聖德肋撒醫院(法國醫院) $43,565 $56,590
仁安醫院 未有列明 $71,300
荃灣港安醫院 未有列明 $149,978

註︰上述手術收費均為過往統計之中位數

「膝關節內窺鏡檢查」嘅住院手術價錢可以相差好大,介乎$54,718至$149,978之間,港怡2019年嘅套餐就收$47,300。不過,聖保祿醫院聖德肋撒醫院都有提供日間膝關節內窺鏡檢查 ,俾病人多一個選擇。

切開復位內固定術(骨折手術)骨科手術

 

醫院 日間 住院
聖保祿醫院 $35,832 $78,825
港怡醫院 沒有提供 $69,344-76,917*
嘉諾撒醫院 沒有提供 $83,756
浸會醫院 沒有提供 $78,733-79,693*
聖德肋撒醫院(法國醫院) $33,790 $73,230-77,220*
仁安醫院 沒有提供 $77,920
荃灣港安醫院 沒有提供 $96,066 – $137,841*

*視乎上肢或下肢及住院日數

註︰上述手術收費均為過往統計之中位數

「切開復位內固定術」嘅手術費Range 都好大,最平同最貴都係相差超過10萬蚊。

延伸閱讀︰公立醫院手術排期隨時要等12年!

乳房腫塊切除術

醫院 日間 住院
聖保祿醫院 $35,164 $38,874
港怡醫院 未有列明 $49,907
嘉諾撒醫院* 未有列明 $108,952
浸會醫院 $25,793 $41,517
聖德肋撒醫院(法國醫院) $25,879 $36,825
仁安醫院 未有列明 未有列明
荃灣港安醫院 未有列明 $55,718

*嘉諾撒醫院提供的手術中文名為乳房活組織取出術

註︰除了港怡醫院外,上述手術收費均為中位數

港怡醫院 按腫塊數量定出手術套餐價錢,其他醫院嘅日間手術價錢介乎$25,793至$35,164,而住院手術費則介乎$36,825至$108,952。而荃灣港安醫院提供嘅手術套餐就收$19,000$24,500,價錢分別在於局部或全身麻醉。

自願醫保手術名稱或有不同

手術 分類 外科醫生費保障限額
結腸鏡檢查,連瘜肉切除術 小型 $5,000
胃鏡檢查,連或不連瘜肉切除術
白內障超聲乳化手術連人工晶體植入 中型 $12,500
乳房腫瘤 / 腫塊切除術連或不連活體組織檢查
開放式或腹腔鏡式膽囊切除術 大型 $25,000
切開復位內固定術(骨折) 小型至複雜(視乎部位) $5,000-50,000
膝關節內窺鏡檢查 未有列明 未有列明

資料來源︰食物及衛生局

自願醫保認可產品保單範本將幾百種手術分為4類︰小型、中型、大型及複雜,外科醫生費保障限額分別為$5,000、$12,500、$25,000及$50,000。

值得留意嘅係個表將「食道胃十二指腸內窺鏡檢查,連或不連活體組織檢查及 / 或瘜肉切除術」列為「小型」,相信「胃鏡檢查 + 瘜肉切除術」亦會被分類為「小型」手術。

延伸閱讀︰【自願醫保懶人包】一文睇晒VHIS有咩手術及住院保障!

自願醫保Claim到幾多手術費?

自願醫保手術保障

咁多間醫院之中,仁安醫院將手術收費分得最細,當中包括︰「手術室費」、「醫生費」、「麻醉科醫生費」及「醫院費」,而「醫生費」則包埋「處理手術程序之醫生費」+「醫生巡房費」。

如果喺仁安醫院做一個腹腔鏡內膽囊切除術,需要住院3.5日︰

費用(中位數) 自願醫保保障限額 須付費用
處理手術程序之醫生費* $25,000 $25,000 $0
醫生巡房費* $7,400 $3,000(4日) $4,400
手術室費 $17,510 $8,750 $8,760
麻醉科醫生費 $9,000 $8,750^ $250

*假設仁安醫院將處理手術程序之醫生費定為$25,000,醫生巡房費為$7,400。

^只賠償實報實銷之$8,750費用

如果以上述假設計算,買咗自願醫保標準計劃(Standard Plan)嘅話,只需自費$13,410,即係最多Claim到近8成。

延伸閱讀︰【自願醫保 點揀好?】標準計劃 VS 靈活計劃

留意費用更新日期

 

聖保祿醫院 2017年度之數據
港怡醫院 2017年度之數據
嘉諾撒醫院 2016年4月至2017年3月之數據
浸會醫院 2018年度之數據
聖德肋撒醫院 2018年度之數據
仁安醫院 2018年10月至2019年3月之數據
荃灣港安醫院 2018年度之數據

由於政府冇硬性規定私家醫院提供手術收費,所以有啲醫院只會列出過去統計數字,俾公眾參考。留意返,大部分醫院提供嘅都係2017至2018年嘅收費,因為每年都有醫療通脹,統計數字未必反映現時費用。

相反,港怡醫院 提供嘅係2019年1月嘅套餐收費,相對會較為準確。講到尾,想準確預算手術收費,始終都要問返醫院拎返份詳細收費列表。

相關文章︰【自願醫保計劃2019】VHIS產品保障、保費、扣稅、轉保全攻略!

相關文章︰【自願醫保扣稅攻略】想知慳到幾多稅?報稅前必睇7大重點!

相關文章︰【養和醫院】探病時間、交通、電話、地址、實用收費概覽!

*本文章內容由Bowtie團隊提供並只供參考,Bowtie對任何人因使用或誤用任何信息或內容,或對其依賴而造成的任何損失或損害,不承擔任何責任。

FacebookWhatsAppWeChat