Bowtie

健康生活

【維他命B雜即係咩?】了解維生素功用、食物來源及缺乏症狀!

維他命又名維生素,究竟佢哋嘅功用有咩分別?攝取不足會出現咩症狀?維他命丸(Vitamin Supplement)又有冇用?Bowtie 醫療團隊即刻話你知!
日期 2019-05-10
更新 2020-09-10
目錄
什麼是 維他命?維他命的功用需要食補充劑嗎?均衡飲食最重要

什麼是 維他命?

根據Medicalnewstoday,維他命(又稱維生素、英文名︰Vitamin)屬於有機物質,共有13種,主要功用係維持人體新陳代謝正常,不過唔同維他命針對嘅器官都唔同。

人類可以自製某啲維他命,但大部份都要靠進食攝取。例如人類可以自製維他命D,但就製造唔到維他命C,相反,狗嘅身體就可以自製足夠嘅維他命C。

維他命的功用

維他命A對眼睛好

維他命A主要用作預防眼睛疾病,同時可維持呼吸道、腸道、毛髮、指甲及皮膚健康。

缺乏症狀︰夜盲症、眼乾,甚至角膜軟化。

維他命B功能廣泛

維他命B屬於「大家族」,坊間習慣統稱為「維他命B雜」。 總共有8位「成員」,各自有唔同職責,包括維持神經系統 、心臟 、肌肉、消化系統、皮膚、口腔等身體部位正常運作。

維他命 缺乏症狀
B1 腳氣病、精神欠佳、抑鬱、兒童生長受阻等
B2 口腔 、口角 、舌頭發炎等
B3 消化不良、皮膚粗糙等
B5 發麻及刺痛
B6 貧血、神經緊張、肌肉痙攣等
B7 皮膚及腸道發炎
B9(葉酸) 貧血、抵抗力下降,甚至先天缺陷
B12 貧血、記憶力衰退、知覺減弱等

維他命C幫助手術後恢復

大多數人對維他命C唔會感到陌生,因為當大家「作病」嘅時候,身邊人就會叫你食橙,吸收多啲維他命C。呢種維他命除咗可以增強抵抗力,仲會促進細胞、牙齒、血管、骨骼之成長及修補,甚至幫助幫助手術或創傷後嘅痊癒。

缺乏症狀︰皮膚及牙齒容易出血、壞血病、關節腫痛等。

維他命D針對骨骼健康

鈣質同維他命D都係骨骼嘅好朋友,缺一不可。因為即使你攝取大量鈣質,都要靠維他命D去幫助身體吸收,所以維他命D對骨骼健康發揮重要作用。

缺乏症狀︰兒童及成人都有機會患上軟骨病。

維他命E可防止貧血

除咗部分維他命B,維他命E亦可以防止貧血,因為佢嘅其中一項功用係保護紅血球。

缺乏症狀︰初生嬰兒或會患上溶血性貧血。

維他命K有助止血

唔少維他命都可以防止貧血,而維他命K則擔當起「止血」嘅重任,佢嘅主要功用係幫助血液凝固,防止流血過多。

缺乏症狀︰受傷時血液難以凝固,可能會造成失血過多。

需要食補充劑嗎?

事實上,大多數權威性學術研究唔建議用維他命補充劑(Vitamin Supplement)來維持身體健康。

不容置疑地,飲食唔均衡而導致身體缺乏所需維他命係會引致健康問題。但多年的醫學研究都沒有發現證據支持長期服用維他命補充劑能夠有效幫助身體為持健康。sciencebasedmedicine.org 其中一篇文章總結,亂咁服用補充劑除咗冇用,仲有機會影響健康。

此外,sciencebasedmedicine.org 一項研究顯示,維他命 Supplement 可能會增加24%患心臟病嘅風險。BMJ Journals 嘅研究結果亦指出,服用含鈣補充劑可能增加心臟梗塞嘅風險。

對於已患上心血管疾病人士,Jama Internal Medicine 嘅研究結果就話,服用含鈣補充劑甚至會增加20%死亡風險。

根據hopkinsmedicine.org,Johns Hopkins Welch Center for Prevention, Epidemiology and Clinical Research 之總監Larry Appel, M.D曾表示︰「維他命補充劑並非預防慢性疾病之捷徑。」

不過,佢認為「維他命B9(葉酸)補充劑」係唯一嘅例外,hopkinsmedicine.org 引述美國疾病控制與預防中心嘅建議,每名正值生育年齡嘅女性每日應攝取400 微克葉酸。

Larry Appel, M.D 最後作出總結︰「均衡飲食就能攝取足夠嘅維他命。」

均衡飲食最重要

既然維他命丸嘅效用存疑,不如堅持均衡飲食,每日食齊以下嘅食物,慳錢又健康!

食物來源
維他命A 奶類、魚肝油、肝臟、深綠及深黃色蔬菜及水果等
維他命B1  

 

 

奶類、魚類、肉類、蛋類、蔬菜、豆類、酵母、果仁等

維他命B2
維他命B3
維他命B5
維他命B6
維他命B7
維他命B9(葉酸)
維他命B12
維他命C 柑橘類水果(柑、橙、檸檬等)、士多啤梨 、黑加倫子 、奇異果 、番茄 、綠葉蔬菜 、 青椒等
維他命D 蛋黃、肝臟、魚肝油、魚類等
維他命E 綠葉蔬菜、全麥穀物、果仁、蛋黃等
維他命K 綠葉蔬菜、黃豆等
分享
* 本文章內容由 Bowtie 醫療資訊團隊 提供並只供參考,不代表 Bowtie 立場,Bowtie 對任何人因使用或誤用任何信息或內容,或對其依賴而造成的任何損失或損害,不承擔任何責任。

相關文章

【卡路里】減肥淨係睇熱量?營養師教你5大健康飲食秘技! 【卡路里】減肥淨係睇熱量?營養師教你5大健康飲食秘技!
健康生活

【卡路里】減肥淨係睇熱量?營養師教你5大健康飲食秘技!

【脫髮】如何改善甩頭髮問題?中西醫角度解構成因和治療方法! 【脫髮】如何改善甩頭髮問題?中西醫角度解構成因和治療方法!
健康生活

【脫髮】如何改善甩頭髮問題?中西醫角度解構成因和治療方法!

【醫療券】即睇用途、限制、申請及查詢餘額方法! 【醫療券】即睇用途、限制、申請及查詢餘額方法!
健康生活

【醫療券】即睇用途、限制、申請及查詢餘額方法!

想了解更多資訊或優惠,
歡迎透過表格聯絡我們。
其他話題

客戶服務熱線

3008 8123
WhatsApp 對話

熱線及中心服務時間

星期一至五:上午 9 時至下午 7 時
星期六:上午 10 時至下午 2 時
星期日及公眾假期休息

電郵查詢

cs@bowtie.com.hk

© 2020 保泰人壽保險有限公司。版權所有。

我們檢測到您的瀏覽器已經過時。如要得到最佳的瀏覽體驗,請更新或使用其他瀏覽器。 知道了