Bowtie

健康生活

【茶餐廳】食晏唔想肥?睇吓營養師5大健康午餐之選!

香港人要減肥,其中一個幾大嘅阻滯,莫過於晏晝成日要出街食午餐,食埋啲個碟入面有成10茶匙油(你無睇錯,係10茶匙,即係400幾Kcal呀!)嘅嘢,真係唔使旨意會減到肥,唔再增磅都已經偷笑。由其係香港人鍾意去茶餐廳,入面啲選擇真係……成個餐牌有一半以上嘅嘢食都咁多油,又無蔬菜,真係好高卡路里,亦都唔夠均衡。今次Bowtie就搵嚟MasterJack教大家點樣喺茶餐廳入面食得健康!
作者 MasterJack
日期 2019-05-30
更新 2020-09-10
目錄
茶餐廳揀飲擇食5大策略想減肥喺茶餐廳食咩好?想減肥喺茶餐廳飲咩好?

茶餐廳揀飲擇食5大策略

喺茶餐廳食飯,我會俾大家5個策略:

  1. 飯餸要分開 – 咁先可以避免食到過多嘅汁醬。
  2. 均衡少少,有菜有肉 – 食唔夠纖維,又點減得成肥呀?
  3. 湯粉麵多數比較理想 – 至少唔會食到汁醬,同埋過多嘅油!
  4. 喺碟飯/麵上面賺到嘅卡路里, 千祈唔好輸返喺杯飲品度 – 飲品一定要揀無脂同低糖嘅。
  5. 無謂睇卡路里 – 就算我下面寫俾你睇都好啦 (編輯要求),其實都未必係你真實食落肚嘅數字嚟。每間餐廳、每個廚師嘅手勢都唔同,所以我都係俾個大約數字大家參考吓㗎咋。揀嘢食最實際都係睇佢夠唔夠均衡,高唔高油份。

想減肥喺茶餐廳食咩好?

1. 番茄炒蛋飯

呢個飯我個人大力推介,好味又唔肥,酸酸甜甜又開胃。材料上算係均衡,有蔬菜,又有蛋白質(依碟飯嘅蛋白質來自雞蛋,係一樣低脂嘅蛋白質食材)。只要落單時,講聲要飯餸分開上,或者餸放側面,咁就可以避開啲高糖嘅汁醬。

熱量參考:500-700Kcal,25-30g 蛋白質(假設有3隻蛋)

2. 時菜肉片飯

呢個飯係另一款比較均衡嘅推介,都係有菜有肉。比起其他肉類,肉片唔使沾粉「走油」(即係預先用油炸熟。基本上,茶餐廳嘅大部份肉類,例如豬肉、豬扒、雞球、魚塊、斑塊等都會咁整),所以少好多油份㗎!

熱量參考:500-700Kcal,30g 蛋白質

3. 西芹雞柳飯

呢個選擇係碟頭飯入面,稱得上係最低脂嗰碟啦。雞柳係低脂部位,西芹直頭無脂肪咁濟,鐘意食西芹嘅朋友必定要揀!

熱量參考:400-600Kcal,25-30g 蛋白質

4. 海南雞/白切雞配白飯同菜

呢兩款其實都係相似嘅菜式,只要乖乖地唔食雞皮,都算係低脂嘅。如果可以指定要雞胸,就當然更加好啦。

熱量參考:600-700Kcal,30-35g蛋白質

5. 雲吞麵配菜心/芥蘭(走油)

低脂之選肯定係佢!雲吞入面嘅蝦肉係低脂嘅蛋白質,菜心同芥蘭都係高纖維嘅蔬菜。相比之下,生菜纖維就低得多啦,通菜唔加腐乳又唔好食,加左就又咸又肥……

熱量參考:300-400Kcal,20-35g 蛋白質(視乎有幾多粒雲吞)

想減肥喺茶餐廳飲咩好?

跟住到飲品啦。其實好簡單,唔好揀有糖、蜜糖、花奶、煉奶嘅飲品就得啦! 都仲有好多款可以揀:熱檸水、熱檸茶、齋啡、無糖豆漿、薏米水都係好選擇!以無糖豆漿為例,一杯先得60Kcal,加左糖嘅就要睇幾重手啦,起碼都有150Kcal。

分享
* 本文章內容由 MasterJack 提供並只供參考,不代表 Bowtie 立場,Bowtie 對任何人因使用或誤用任何信息或內容,或對其依賴而造成的任何損失或損害,不承擔任何責任。

相關文章

【First Aid必學】如何止血、包紮?一文認識10種常見急救方法 【First Aid必學】如何止血、包紮?一文認識10種常見急救方法
健康生活

【First Aid必學】如何止血、包紮?一文認識10種常見急救方法

香港體育館2020:一文睇清體育館book場方法、開放時間、保險選擇 香港體育館2020:一文睇清體育館book場方法、開放時間、保險選擇
健康生活

香港體育館2020:一文睇清體育館book場方法、開放時間、保險選擇

【健身教練】搵PT練大隻 7大重點你要知! 【健身教練】搵PT練大隻 7大重點你要知!
健康生活

【健身教練】搵PT練大隻 7大重點你要知!

想了解更多資訊或優惠,
歡迎透過表格聯絡我們。
其他話題

客戶服務熱線

3008 8123
WhatsApp 對話

熱線及中心服務時間

星期一至五:上午 9 時至下午 7 時
星期六:上午 10 時至下午 2 時
星期日及公眾假期休息

電郵查詢

cs@bowtie.com.hk

© 2020 保泰人壽保險有限公司。版權所有。

我們檢測到您的瀏覽器已經過時。如要得到最佳的瀏覽體驗,請更新或使用其他瀏覽器。 知道了