胃鏡檢查全攻略

點解要照胃鏡?

咩係照胃鏡?

私家醫院照胃鏡價錢?
胃鏡中心收費如何?

照胃鏡前有咩準備?

香港人生活忙碌,三餐唔定時,又成日飲咖啡提神,好容易搞到胃痛,甚至有胃病。

根據衞生防護中心資料,喺2016年,胃癌係香港第六位最常見嘅癌症,佔癌症新症總數嘅3.9%;而胃癌喺香港致命癌症中排第六名,喺2017年,胃癌奪去682人性命,佔癌症死亡總數嘅4.8%。

點解要照胃鏡?

點解要照胃鏡?

如果你擁有下列風險因素,或出現以下症狀,可能反映咗食道、胃及十二指腸出現問題。呢個時候你應該盡快求醫。醫生有可能建議你接受胃鏡檢查,以確保胃部嘅健康狀況:

常見症狀

  • 消化不良
  • 上腹疼痛
  • 噁心
  • 嘔吐出混有血液嘅嘔吐物
  • 食慾不振
  • 體重下降
  • 身體疲倦

風險因素

  • 患胃癌風險隨年齡而增長
  • 胃癌患者以男性居多
  • 受幽門螺旋桿菌感染
  • 吸煙
  • 飲酒
  • 進食鹽醃食物
  • 進食加工肉製品
  • 過重或肥胖

資料參考:衞生防護中心

照胃鏡可以搵出消化系統嘅問題,不過並唔代表胃鏡應該好似身體檢查咁定期照,因為照胃鏡除咗可能會帶來不適之外,亦唔係完全「零風險」。

雖然照胃鏡係一個非常安全嘅檢查方式,但即使由具有經驗嘅醫生操刀,亦有出現併發症之風險。照胃鏡有可能引起嘅併發症狀包括:

可能出現的併發症狀 解釋
喉嚨痛 照胃鏡後的1至2天可能會出現喉嚨痛
牙齒、牙冠及牙橋的脫落 照胃鏡期間,鬆動的牙齒、牙冠或牙橋有輕微的機會被移位或脫落
流血 進行活組織檢查後,流血屬常見情況,但通常持續不過幾秒,但仍有機會出現個別較嚴重的流血情況
刺穿食道/ 胃部/ 十二指腸 因照胃鏡而刺穿消化系統的的風險低於1/9,000;但如食道內出現收縮或擴張情況,相關風險變會增至約1/500;如照胃鏡過程中需要進行充氣,以充分曝露胃壁,刺穿風險將增至1/50。若不幸發生刺穿情況,患者便需要透過進行手術來修復穿孔
肺炎 如果受檢者的身體虛弱或有嚴重的呼吸病患,例如慢性支氣管炎或肺氣腫,受檢者有機會在檢查後患上肺炎
由鎮靜劑引起的副作用 醫生應給予最小劑量的鎮靜劑以進行鎮靜麻醉,以防鎮靜劑在受檢者身上出現副作用。 如果照胃鏡後感到不適,可告之醫生要求處方藥物令鎮靜作用消減

資料來源:英國倫敦國王學院醫院

相關文章︰【腸鏡檢查】比較香港3間私家醫院+4間腸鏡中心收費價錢!


咩係照胃鏡?

到底照胃鏡係咩一回事呢?首先介紹下咩係胃鏡,胃鏡係一條可以屈曲、末端裝有鏡頭嘅軟管,可以直接睇到食道、胃同十二指腸嘅情況。

胃鏡檢查過程如下:醫護人員會喺胃鏡檢查之前喺病人喉嚨噴上局部麻醉藥,再注射適量鎮靜劑同止痛藥。之後醫生會將一支柔軟而且可屈曲、直徑約0.9 – 1.2 cm嘅胃鏡放入病人口腔,然後檢查。

現行香港嘅1毫子硬幣嘅直徑大約係1.7cm,咁胃鏡嘅管道粗度就係細1毫子少少。如果有需要抽取組織,醫生亦可以用內視鏡抽取組織進行化驗。檢查時間視乎個別情況而定,一般大概只需15 – 30分鐘左右,一啲複雜嘅個案可能需要更多時間。

資料參考:香港中文大學何善衡腸胃健康中心

胃鏡儀器

內窺鏡(圖片來源:仁安醫院

Bowtie 醫療資訊團隊整合咗3間私家醫院同4間診所照胃鏡收費表,幫大家比較相關計劃嘅價錢。

私家醫院價錢

嘉諾撒、播道同港怡3間私家醫院嘅胃鏡檢查收費由$6,420至$8,300不等,每間醫院收費基本上都包括手術室費同基本藥物、消耗品等,每款套餐差異不大,只有港怡唔包幽門螺旋菌測試。

私家醫院 價錢# 項目
嘉諾撒醫院 $6,420 內視鏡套式服務包括:基本藥物及耗材、內視鏡相片1張、儀器及復原室之使用、幽門螺旋菌化驗(胃內視鏡)
播道醫院 $6,600 內視鏡檢查包括:醫生手術費、內視鏡房收費(30 分鐘)、兩種鎮靜藥劑、報告一份附相片、幽門螺旋桿菌酵素測試
港怡醫院 $8,300 套餐收費包括:有關該手術套餐的醫生收費及麻醉科醫生收費(包括所有主診醫生及專科醫生、駐院及非駐院醫生的收費)、病房收費(包括房租及基本膳食菜單)、必須及相關之診斷費用包括病理化驗及診斷造像、治療費用包括急救、輸血等、手術室收費包括逾時手術的額外手術室收費、深切治療護理收費、需要施行額外手術之手術室收費、護理程序收費、藥費-住院期間及出院日計起7日內所關的藥費、儀器設備費、消耗品/物料費/植入物收費

# 嘉諾撒醫院、播道醫院及港怡醫院之收費價錢分別更新至2019年4月、2016年10月3日及2019年。

註1:上述3個計劃均不包括施行特別程序,例如切除瘜肉等,詳細收費可向有關醫院查詢。

註2:上述項目表格中,黑色文字代表基本項目;粉紅色文字代表額外項目;深藍色文字代表術後可能需要的項目

相關文章︰【手術費2019】比較香港7間私家醫院常見手術收費及套餐價錢!

胃鏡中心收費

至於診所收費,葵芳高清腸胃內視鏡中心、仁輝專科內視鏡及日間醫療中心、香港內科及腸胃中心同香港專科嘅胃鏡檢查收費介乎$5,800至$6,800,但要注意嘅係每間診所包括嘅項目都有少許唔同。

診所 價錢# 項目
仁輝專科內視鏡及日間醫療中心 $5,800 胃內視鏡套餐包括:靜脈注射鎮靜劑費、活組織鉗、相紙報告連相片、醫生收費、診療室費、化驗費、瀉藥、幽門螺旋菌快速測試
葵芳高清腸胃內視鏡中心 $5,800 胃內視鏡套餐包括:靜脈注射鎮靜劑費、活組織鉗、相紙報告連相片、醫生收費、手術室費、化驗費、儀器費、瀉藥、術前醫生診症費及胃內視鏡幽門螺旋菌測試
香港內科及腸胃中心 $6,300 內視鏡服務包括:醫生手術費、手術室費、含氧量監察、鎮靜劑、氧氣、幽門螺旋桿菌測試、視像圖片報告及光碟
香港專科 $6,800 胃內窺鏡檢查套餐包括:幽門螺旋桿菌測試、手術醫生費、儀器費、靜脈注射鎮靜劑費、局部麻醉費、化驗費、二氧化碳費、手術室費、附圖報告、DVD費用術後保護性藥費、術後講解報告及檢查過程中牽涉的雜費

# 仁輝專科內視鏡及日間醫療中心之收費價錢由該中心提供,並更新至2019年4月1日;香港內科及腸胃中心及香港專科之收費價錢分別更新至2017年2月及2019年6月16日;而葵芳高清腸胃內視鏡中心的收費乃根據於2019年7月5日顯示在其官方網站的資料,當中並無提及最後更新日期。

註1:上述4個計劃均不包括施行特別程序,例如切除瘜肉等,詳細收費可有關診所查詢。

註2:上述項目表格中,黑色文字代表基本項目;粉紅色文字代表額外項目;深藍色文字代表術後可能需要的項目

4間診所都包埋幽門螺旋菌測試。仁輝專科內視鏡及日間醫療中心同葵芳高清腸胃內視鏡中心唔包光碟/DVD費用,而另外2間就包埋。

檢查前準備

決定好喺其中一間醫院/診所接受檢查後,就要做好檢查前準備:

檢查須知
檢查前會診 如果有下列醫療情況,應告知醫生:

  • 有冇患病,尤其係患有糖尿病、心臟病及高血壓
  • 有冇懷孕
  • 有冇裝心臟起搏器或長期服用任何藥物,特別係鐵丸、抗血小板藥或抗凝血藥
  • 有冇對任何藥物有過敏反應
檢查前6小時 開始禁食
檢查前 避免喺檢查前酗酒、食煙或服用不適當份量嘅鎮靜劑

唔可以揸車前往醫院/診所,應由家人或朋友陪同前往同離開醫院/診所,以策安全

除去假牙、隱形眼鏡、飾物同金屬物品

檢查後 檢查後應臥床休息,等鎮靜劑反應過咗之後先可以起身活動

檢查者可能會感到輕微噁心、胃脹同輕度喉嚨痛楚

檢查後約一小時,等喉嚨局部麻醉藥藥力消除後,可先嘗試飲水,但須避免飲用熱水,以免燙傷

病人須待喉部麻醉藥及鎮靜劑藥力減退後,方可進食,以免哽咽

檢查後應返屋企休息,當日唔可以揸車,避免操作機器或進行危險工作、簽署任何法律文件

檢查後24小時內唔可以飲用含有酒精嘅飲品

綜合自香港中文大學何善衡腸胃健康中心賜愛肝腸胃專科及內視鏡中心的相關資料,詳細程序請向醫生查詢。

食物及衞生局推行嘅自願醫保計劃,獲認可之「標準計劃」及「靈活計劃」保障延伸至日間手術,無論喺醫院定胃鏡中心進行胃鏡檢查,有關嘅外科醫生費可獲賠償最多$5,000。

香港首間純網上保險公司Bowtie 現已推出自願醫保–靈活計劃,月費最平唔使$200*,8月1日至31日(包括首尾兩日)在投保時輸入優惠碼 「BOWTIE」 並成功投保,可享1個月保費減免# 兼享 $2,000 BowtieCash^,即用Bowtie保費計算機進行初步報價!

註︰以上計算的保費僅供參考,你實際需要繳交的保費受時間、通脹、核保等因素影響,並需加上保險業監管局徵收的保費徵費,請下載並查閱標準保費表 (標準 / 靈活「基本」/靈活「升級」)

*以25歲非吸煙男性靈活計劃為例,每月保費為$183。

#於推廣期內成功投保,可於保單生效後第四個月享有免保費優惠。

^BowtieCash獎賞計劃 – 助你索償時,支付任何超過保泰自願醫保計劃賠償額的合資格醫療費用,須受有關條款約束。詳情請參閱推廣活動細則
Bowtie新產品即將登場!

*以上內容由Bowtie健康資訊團隊提供。內容僅供參考,不能取代合資格的醫護人員給予閣下之個人建議。

 

FacebookWhatsAppWeChat