【imSure自願醫保調查】幫家人同自己買 主要諗啲咩?
網上保險比較平台imSure喺2019年4月透過網上問卷形式,訪問咗大約1,000個介乎18-64歲嘅市民。今次Bowtie就將佢哋嘅調查結果分享俾大家知。結果顯示,高達88%嘅受訪者有醫療保險保障,其中……
醫療通脹日益嚴重,睇病、檢查、甚至做手術都越嚟越貴;加上人口老化,一個人要負擔的或許不再局限於自己,而是要孭起成頭家嘅醫療費用。自願醫保計劃喺2019年4月1日出台後,彷彿提供咗契機,俾大家重新審視現有嘅保障係咪足以應付突如其來嘅醫療開支。
網上保險比較平台imSure喺2019年4月底透過網上問卷形式,訪問咗大約1,000個介乎18到64歲嘅市民,發現高達88%嘅受訪者有醫療保險保障;當中74%有購買個人醫保,受僱主團體醫保保障嘅有52%,亦有超過一半受訪者有為家中長者、配偶、小童購買醫療保險。
| 有無醫療保險保障? | |
| 88%有醫療保險保障 | 74%有購買個人醫保 |
| 52%有團體醫保保障 | 52%有為家人購買醫保 |
imSure的調查發現,投保人為自己購買嘅醫療保險種類,頭3位依次序係危疾保障(56%)、實報實銷嘅住院同手術保障(50%),以及個人意外保障(41%)。受訪者主要係擔心醫療開支隨年齡而增加(55%),繼而作出投保決定。
| 為自己購買的醫療保險種類 | ||
| 56%
危疾保障 |
50%
住院及手術保障 |
41%
個人意外保障 |
至於受訪者為家人購買醫保,最大原因係怕突然要支付龐大醫療開支(50%)。佢哋為父母同配偶購買嘅醫保種類類近,危疾保障(分別佔57%及68%)仍穩居榜首;至於為子女購買得最多嘅,係住院及手術保障(62%),由此可見投保人為自己同唔同年齡階層嘅家人購買醫療保障嘅考慮因素係各有差異嘅。
| 為父母購買的醫療保險種類 | ||
| 57%
危疾保障 |
51%
住院及手術保障 |
38%
個人意外保障 |
| 為配偶購買的醫療保險種類 | ||
| 68%
危疾保障 |
54%
住院及手術保障 |
47%
個人意外保障 |
| 為子女購買的醫療保險種類 | ||
| 51%
危疾保障 |
62%
住院及手術保障 |
52%
個人意外保障 |
不同年齡層投保各有考量
imSure產品總監高永輝表示,唔少打工仔認為自己年青,身體應該比較健康。其實運動同樣會有創傷風險:「例如踢波或者行山等都有機會整斷膝部韌帶,唔想喺公立醫院排期太久延誤治療,有份住院及手術保障嘅話,或可以揀私家醫院。」
調查發現受訪者為子女購買的屬於住院及手術保障(62%)居多,高永輝認為合理。「初生嬰孩抵抗力較弱,流感發高燒嘅風險,以至入院嘅機會都較高;相反,危疾保障就未必係父母嘅首要考慮。」
至於老人家就係隱疾發病嘅高危一族,佢哋買危疾保險嘅價錢固然偏高,但仍然有高達57%嘅受訪者會為父母投保。另外,考慮到部分長期病患長者或者需要留院一段時間,所以都有超過一半人會為父母買住院及手術保障。「小數怕長計,孝子賢孫都唔好忽略普通損傷,皆因長者骨骼較為脆弱,喺屋企跌倒都可大可小。」
無論大家未來打算購買自願醫保、傳統醫保,定係危疾保障。喺作出投保決定前,最好先了解唔同醫保嘅類別同保障範圍,以作出最明智同合適嘅選擇。
原文:【imSure自願醫保調查】幫家人同自己買 主要諗啲咩?
Bowtie 提供多種不同的自願醫保計劃,而每個計劃都提供不同的保障,按此了解不同計劃的分別!
立即報價:Bowtie 自願醫保計劃
延伸閱讀
- 【自願醫保比較】邊間公司推出的「靈活計劃」性價比高?
- 自願醫保包唔包門診?感冒、覆診、意外入急症室有冇得 Claim?
- 【22 至 40 歲畢業生/打工仔】醫保保費幾錢?立即比較自願醫保「標準計劃」價錢!
- 【自願醫保保費比較】41 至 60 歲中年人士「標準計劃」保費幾錢?
本文章內容由 imSure 提供並只供參考,不代表 Bowtie 立場,Bowtie 對任何人因使用或誤用任何信息或內容,或對其依賴而造成的任何損失或損害,不承擔任何責任。此文章內任何與 Bowtie 產品相關的內容僅供參考及作教育用途,客戶應參閱相關產品網頁內詳細之條款及細則。



