營養貼士

什麼是生酮飲食法?能否長期減肥?營養師同你分析利弊!

呢期最熱門嘅減肥飲食方法都真係非生酮飲食法(英文︰Ketogenic Diet)莫屬喇。我相信周圍都進行緊熱烈討論,而你亦都聽過或睇過唔少相關資訊。我今次就想以營養學嘅角度講吓個人睇法,正反兩面都講吓。首先,我想講吓呢飲食方法嘅背後理念。生酮飲食其實係一種高脂肪,適中蛋白質,非常低澱粉質嘅飲食習慣。提倡呢種飲食法嘅人認為減少澱粉質進食,令到每日卡路里攝取量中,有5%至10%來自澱粉質,從而幫助你減肥 。
作者 MasterJack
日期 2019-10-24
更新 2022-10-17
目錄
生酮飲食部分餐單生酮飲食法最大好處並非減肥生酮飲食有何缺點?

生酮飲食部分餐單

油

有咩食得?有咩唔食得?

飯、麵、麵包

A5和牛雞皮,豬油,牛油 

呢個飲食方法最適合一啲本身對澱粉質類食物冇乜好感嘅人,可以打正旗號去唔食飯、麵、麵包之類嘅野。另一方面,佢哋就可以好放肆咁食「油淋淋」嘅食物,例如A5和牛,雞皮,豬油,牛油,因為生酮飲食並無限制呢類食物。

Bowtie & JP Health 營養師服務

生酮飲食法最大好處並非減肥

呢種飲食方法係會好飽肚,因為你食左好多油,咁你之後就唔會有心癮去搵零食架喇。

當然有研究顯示係有效啦,甚至比「低脂飲食」同「低澱粉飲食」有更大減磅效果添。

不過呢種飲食最大嘅好處唔係減重,而係幫助到有兒童癲癇問題嘅小朋友去減低癲癇發作率。其實早起1920年代開始,生酮飲食法已經有人提出,不過係用嚟控制兒童癲癇,我就唔知點解最近突然流行起嚟,仲用嚟減輕體重。

生酮飲食有何缺點?

其實呢種飲食方式最大問題係「難入口」,所以好難長期食落去。試諗下,日日都要大大啖將啲油淋淋嘅食物放入口喎。

而且餐單嘅營養比例唔係好均衡,你諗下5%卡路里可以來自澱粉質,以每日1500Kcal為例,即係75Kcal咋,想食個橙都唔得呀,政府都有講啦,要維持健康飲食,每日最少要兩個水果喎。仲有其他好多有益嘅食物都食唔到,除左粉、麵、飯,全麥產品同豆製品都食唔到。

所以,長期咁食法,最令人擔心係進食者有機會出現「部分營養缺乏症」,例如缺少維他命b雜同鎂質之類。同埋好難食得夠每日所需嘅纖維。

另外,講明生酮飲食法,就梗係會產生酮啦。酮其實有輕微毒性嘅,儲埋儲埋就會出現酮症(Ketosis),症狀包括頭痛,頭暈,疲累,失眠,便秘等,而且個口仲會好臭添。不過目前都好似暫時未有報告過因為ketosis而死亡嘅個案,touchwood。

話時話,係有好多研究証明減重成效,但全部都係短期研究黎,你問我兩年之後仲可唔可以一路減到落去,或者會唔會反彈,我就答你唔到喇。

所以,要唔要進行呢個飲食法,最好分析好利弊以及向營養師咨詢意見再決定啦。

分享
這篇文章有用嗎?
1
3
本文章內容由 MasterJack 提供並只供參考,不代表 Bowtie 立場,Bowtie 對任何人因使用或誤用任何信息或內容,或對其依賴而造成的任何損失或損害,不承擔任何責任。此文章內任何與 Bowtie 產品相關的內容僅供參考及作教育用途,客戶應參閱相關產品網頁內詳細之條款及細則。

相關文章

【盆菜 2022】精選 20 間盆菜外賣送貨/自取訂購攻略 【盆菜 2022】精選 20 間盆菜外賣送貨/自取訂購攻略
營養貼士

【盆菜 2022】精選 20 間盆菜外賣送貨/自取訂購攻略

【見45分鐘收幾錢?】即睇營養師工作及收費! 【見45分鐘收幾錢?】即睇營養師工作及收費!
營養貼士

【見45分鐘收幾錢?】即睇營養師工作及收費!

【牛油果】營養師拆解 5 大功效及陷阱(附食譜) 【牛油果】營養師拆解 5 大功效及陷阱(附食譜)
營養貼士

【牛油果】營養師拆解 5 大功效及陷阱(附食譜)

攝取足夠的營養,身型同臉色就自己好!
了解 Bowtie & JP Health 營養師服務及收費

其他話題

電郵查詢

一般查詢
hello@bowtie.com.hk
傳媒查詢
media@bowtie.com.hk
合作推廣
partner@bowtie.com.hk

© 2023 保泰人壽保險有限公司。版權所有。

我們檢測到您的瀏覽器已經過時。如要得到最佳的瀏覽體驗,請更新或使用其他瀏覽器。 知道了
咩 Plan 啱你 →