根據醫院管理局癌症資料統計中心數字,2016年10大常見癌症之中,大腸癌嘅病發率排名第一,高達5,437宗,佔整體癌症個案達17.3%;死亡率則係眾癌症中排第二,人數達2,089,佔整體嘅14.7%。由此可見,大腸癌係香港最普遍及危險嘅癌症之一。香港10大癌症

資料來源︰醫管局癌症資料統計中心

而且,大腸癌新症數字越見普及,呈穩步上升趨勢。下圖可見,15年間新症數目由不足3,500宗增加至2015年5,036宗。大腸癌新症數字上升資料來源︰衛生防護中心

有鑑於此,大家對大腸癌不可不知,不可不防!大腸癌篩查計劃可以有效幫助大家及早發現及醫治呢個「都市殺手」。因此,Bowtie 健康資訊團隊整理咗呢篇文章,幫大家全面認識大腸癌!

及早發現存活率逾9成

根據香港大學醫學院研究,大腸癌一期嘅5年存活率(即確診患癌後5年仍然生存嘅機會率)可以高於90%。相反,大腸癌四期嘅5年存活率只有8%。

癌症期數 情況 5年存活率
第一期 入侵肌肉層 >90%
第二期 入侵漿膜 55-70%
第三期 入侵淋巴 25-55%
第四期 擴散/轉移至腸外 8%

香港中文大學賽馬會大腸癌教育中心同樣發現,大腸癌患者嘅生存率及復發率,與發現同接受治療時間有極大關係。相比其他癌症(例如肺癌、肝癌),大腸癌手術的成功治癒率及生存率都較為理想。古語有云: 「病向淺中醫」如果及早發現及進行治療,成功抗癌機會就愈高。

香港首間純網上保險公司Bowtie 亦都推出咗自願醫保「標準計劃」,月費最平唔使$100*,即用Bowtie保費計算機進行初步報價!

註︰以上計算的保費僅供參考,你實際需要繳交的保費受時間、通脹、核保等因素影響,並需加上保險業監管局徵收的保費徵費,請按此下載並查閱標準保費表

*以20歲非吸煙男性標準計劃為例,每月保費為$95

相關文章︰【自願醫保計劃】VHIS產品保障、保費、扣稅、轉保全攻略!

相關文章︰【自願醫保懶人包】一文睇晒VHIS有咩保障!

被確診不同階段大腸癌的存活率分佈圖大腸癌存活率

資料來源︰Cancer Research UK

成因 | 症狀 | 檢查 | 治療方法 (點擊分類可跳至詳細內容)

成因唔單止係「多肉少菜」嘅飲食習慣

喺講解成因之前,我哋首先要知道咩係大腸癌。根據衛生防護中心,大腸癌係結腸或直腸內嘅細胞異常生長所形成之癌病,因應癌細胞發現嘅位置,又稱為結腸癌或直腸癌。大腸及結腸

圖片來源︰medicinenet.com

關於成因,你可能會聽過,食得太多紅肉(例如牛肉、豬肉、羊肉或動物肝臟)或加工肉(例如熱狗、火腿、臘腸等會增加患上大腸癌嘅風險,除此之外,你亦可以改變其他生活習慣去降低風險︰

  • 減肥
  • 多做運動
  • 戒煙戒酒

但有啲風險則無法避免,當中包括︰

  • 年紀增長
  • 患上二型糖尿病
  • 基因異常
  • 家族遺傳(家人曾有大腸瘜肉或大腸癌)

American Cancer Society 嘅資料顯示,種族都係其中一個高危因素,東歐猶太人係全球最大機會患上大腸癌嘅族群。其他研究亦指出, 夜間工作人士以及曾患睪丸癌嘅男性都有較大風險。

以上風險因素有啲可以靠生活習慣控制,例如「多菜少肉」嘅飲食習慣、多做運動、控制體重、不煙不酒都可以減低大腸癌風險。

病發初期或冇任何症狀

好多人知道長期便秘係大腸癌嘅病徵,但其實再準確啲係︰大便習慣改變。

根據衛生署,大腸癌患者嘅大便習慣會喺不明原因下突然改變,每日一次、兩次或隔兩天才有一次都算係正常大便習慣。如你持續兩星期大便習慣比平時有重大變更,  例如大便變稀便秘, 就可能係大腸癌嘅病徵

另一種比較常見嘅症狀係大便見血,衛生防護中心嘅資料顯示,患者亦可能出現以下症狀︰

  • 大便呈鮮紅或深紅
  • 大便帶有大量分泌黏液
  • 大便之後仍有便急感覺但就「痾唔出」
  • 每次去完大便都有去唔清嘅感覺
  • 個肚成日唔舒服
  • 體重無故下降


不過,最恐怖係發病初期,可能冇任何症狀,令人難以察覺。未有病徵但又想知自己有幾大風險?合資格人士可以參加政府資助嘅大腸癌先導計劃/篩查計劃

年滿50歲可參加「大腸癌篩查計劃」

「大腸癌篩查計劃」過往稱為「大腸癌篩查先導計劃」,由政府按年齡推動並資助合資格人士進行檢查及手術,幫助大眾及早防癌。

階段 年齡 開展日期
第一階段 61至75歲人士 2018年8月6日
第二階段 56至75歲人士 2019年1月1日
第三階段 50至75歲人士 仍未公佈

資料來源︰衛生署

根據衛生署資料,香港大部分私家醫生及私立醫院,都會提供大便隱血測試及大腸鏡檢查服務。Bowtie整理咗個表話你知邊啲人適合參加計劃:

適合參加計劃(須同時符合以下3項條件) 不適合參加計劃人士(只符合其中一項)
年滿50至75歲 有大腸癌症狀 X
持有效香港身份證或豁免登記證明書 有大腸癌高風險因素人士 X
已加入電子健康紀錄互通系統 過去十年內曾接受大腸鏡檢查,並且結果正常 X

資料來源︰衛生署

計劃分為3個部分︰

大便隱血測試 => 大腸鏡檢查 => 大腸瘜肉切除

1.大便隱血測試

呢個測試嘅目的係搵出大便出現血液嘅人士,再安排佢哋進行大腸鏡檢查,更準確地診斷有關人士是否患上大腸癌。

基層醫療醫生需要為參加者評估身體狀況是否適合參加計劃、提供有關大腸癌篩查的資料、派發參加者資料包,當中包括兩支採便管及相關資料。響呢個階段,政府會承擔化驗費用,另會提供每次$280診症資助

然後,參加者須自行採集大便樣本,衛生署有提供簡單教學

大腸檢查

了解大腸癌萬惡之源- 瘜肉

根據American Cancer Society,基本上所有大腸癌都係由瘜肉(polyps)而起。大腸瘜肉是長在結腸和直腸粘膜表面隆起嘅病變。如果不加以處理,假以時日,瘜肉就有演變為惡性腫瘤嘅風險。

瘜肉大致上可以分為3種:

  1. 腺狀瘜肉:發生癌變的機率最大,癌化機會為5-10%。
  2. 發炎性瘜肉:又稱為偽瘜肉,因為之前的大腸黏膜發生潰瘍壞死,新的黏膜上皮長出來導致,本身並不會變成癌細胞。
  3. 增生性瘜肉:大腸中最常見的瘜肉種類,這種瘜肉不會有演變成惡性腫瘤嘅風險。

如果要知道自己有冇大腸瘜肉,就要乖乖地在適當嘅時候做腸鏡檢查。腸鏡檢查十分安全風險極低。及早發現「瘜肉」可以將其切除,以除「癌」患

雖然所有大腸癌也是有瘜肉而起,但要留意絕大部分瘜肉永遠也不會演變成癌腫瘤。可惜嘅係唔進行腸鏡檢查及將瘜肉切除並進行病理化驗係永遠唔會知道瘜肉係咪屬於高風險瘜肉

如果醫生在腸鏡檢查後發現以下4種情況,閣下就特別需要留意患癌風險︰

1.瘜肉大於1cm

2.發現多過兩粒瘜肉

3.病理組織報告提及細胞病變(dysplasia

4.腺瘤性瘜肉大腸癌變化

圖片來源︰labiotech.eu

2.大腸鏡檢查

如果參加者嘅大便樣本中驗出隱血,可因其他病況引致,並不一定表示已患上大腸癌。基層醫療醫生會安排你進行第二次診症,說明化驗結果嘅含意,並轉介你至適當專科醫生作大腸鏡檢查,政府會資助$280診症費用。

當你選擇被轉介至已登記參加計劃的大腸鏡醫生,參加「大腸鏡檢查基本服務」,政府會提供資助。你可能需支付不多於$1,000之額外費用,視乎你所選擇嘅大腸鏡醫生而定。一般而言,接受大腸鏡檢查嘅輪候時間通常不多於8個禮拜。

如果你想早啲進行檢查亦可搵私家醫院或私營機構,但就需要自費接受檢查。自願醫保保障呢項手術,而結腸鏡檢查連瘜肉切除術屬於小型手術,「標準計劃」最高賠償限額為$5,000。

延伸閱讀︰比較香港私家醫院腸鏡+瘜肉切除手術收費!

照腸鏡前準備

根據賜愛肝腸胃專科及內視鏡中心,為咗令到大腸鏡檢查順利進行,喺檢查前你應將所有病歷及健康狀況告知腸胃科專科醫生,尤其係糖尿病、心臟病及高血壓。如果裝有心臟起搏器或有長期服用任何藥物,特別係鐵丸、抗血小板藥或抗凝血藥,亦應通知專科醫生。

你亦應該嚴格遵守以下飲食指示︰

  • 檢查前3日開始進食低渣餐。檢查前1日則進食流質餐。
  • 按指示服用洗腸劑。
  • 檢查前6小時禁止飲食。

3.大腸瘜肉切除

如果喺完成大腸鏡檢查後發現瘜肉,「大腸鏡檢查基本服務」會資助埋切除瘜肉手術、病理組織檢驗及報告。按此可以查看大腸鏡醫生嘅服務收費。

「大腸鏡檢查基本服務」唔包括以下項目︰

  • 在私家醫院留院住宿。
  • 由麻醉科醫生監督下進行嘅麻醉程序或全身麻醉。
  • 喺整個大腸鏡檢查期間並未完全切除所發現嘅瘜肉,而須再次安排進行切除瘜肉。
  • 因大腸鏡檢查引致之併發症,例如出血、感染、刺穿腸道或對鎮靜麻醉有嚴重反應等而需要接受治理。
  • 大腸鏡檢查後發現大腸癌或其他病變因而需要接受治理。

但如閣下已購買自願醫保,所有上述情況也會被包納在保障範圍之內。

延伸閱讀︰【自願醫保懶人包】一文睇晒VHIS有咩保障!

大腸癌治療方法

如果不幸確診患上大腸癌,治療方法離不開化學治療、電療、手術及標靶藥。根據香港中文大學賽馬會大腸癌教育中心選擇哪一種治療方案取決於癌症嘅嚴重程度(第一至四期)以及個別身體狀況︰

癌症期數 治療方法
第一期 手術
第二期 手術+化療/電療
第三期
第四期 手術+化療+電療+標靶藥

無論係邊個Stage, 患者喺手術後都需要定期覆診並以大腸鏡檢查及抽血檢驗,監察有冇復發。

如果買咗自願醫保,進行「開放式或腹腔鏡式直腸前位切除術」、「開放式或腹腔鏡式經腹部會陰切除術」、 「開放式或腹腔鏡式結腸切除術」及「開放式或腹腔鏡式直腸低前位切除術」呢幾種手術都會獲得賠償,「標準計劃」最高賠償限額為$50,000。

至於其他非手術癌症治療,自願醫保「標準計劃」將會提供每年最多$80,000保障。

相關文章︰【公立醫院輪候時間】急症室最多等8小時,專科門診、手術排期最長等10年!

相關文章︰【私家醫院收費比較】病房日租最平$120?最貴$45,000!

Bowtie最新優惠

*以上內容由Bowtie健康資訊團隊提供。內容僅供參考,不能取代合資格的醫護人員給予閣下之個人建議。

FacebookWhatsAppLinkedInWeChat