醫院百科

屯門醫院屯門

屯門醫院(Tuen Mun Hospital)係一間位於屯門青松觀路嘅公立醫院。
查看基本資料
聯網 新界西
電話 2468 5111
地址 新界屯門青松觀路23號 前往
交通 44A、42 專線小巴;610、751、615P、505、615 輕鐵;67X、67M、53 巴士;地鐵兆康西鐵站
探病時間 因應新型冠狀病毒,現全面暫停探訪安排
作者 Bowtie 團隊
日期 2020-08-18
更新 2020-08-27
目錄
新界西專科門診穩定新症輪候時間服務及收費多元化康復大樓

新界西專科門診穩定新症輪候時間

專科 輪候時間(中位數)^
耳鼻喉科 超過1年3個月
眼科 1年半
婦科 約11個月
內科 約1年
骨科 1年半
兒科 9個月
精神科 約7個月
外科 1年

上表可見,新界西聯網醫院嘅眼科及骨科需要等1年半,唔想等咁耐嘅話可以考慮買份醫療保險!

  • ^以上輪候時間為2018年7月1日至2019年6月30日之參考資料

服務及收費

服務範圍

24小時急症服務

專科服務 麻醉科、臨床腫瘤科、臨床病理學、牙科、皮膚科、放射科、弱智科、腦神經外科、核子醫學、婦產科、眼科、矯形及創傷科、兒童及青少年科、耳鼻喉科、精神科、內科及老人科、外科、腎科
其他 社區服務中心、老人科日間醫院、癌症病人資源中心、日間診療中心、老人科社區評估服務、營養膳食、藥劑、物理治療、職業治療、義肢修復矯正服務、言語障礙治療、聽力、足科、視力、臨床心理服務

多元化康復大樓

屯門醫院康復大樓由屯門醫院現有職員宿舍重建而成,提供多元化公共療養服務,相關病人亦可以喺急症醫院「原址」接受復康一條龍服務,唔駛特登轉去復康醫院。

康復大樓主要接收中風、腦創傷、肺功能受損、髖關節置換等嘅病人,病人喺急症病房留醫後,如情況轉趨穩定,就會轉去康復大樓,萬一病人留院期間病情急轉直下,仍可以喺短時間由康復大樓送去急症醫院治療。

康復大樓有一條行人天橋連接日間醫療中心,建立緊密嘅「復康聯網」。日間醫療中心提供家庭醫學專科診所、外科、小兒外科、整形外科、泌尿科、胸肺外科、職業醫療關懷服務、腦外科、耳鼻喉科、兒童及青少年科、內科及老人科、矯形及創傷學組(骨科)診所、婦產科等服務。

常見問題
1. 住院前有咩要準備?

病人須自備攜個人日常用品,如漱口盅、牙刷、毛巾、紙巾、濕紙巾、肥皂、拖鞋等。

另外,病人亦須帶備香港身份證或護照及入院紙辦理入院登記手續。如非成年本港居民,或屬公務員及領取公共援助者,可按此瀏覽。

2. 屯門醫院嘅急症室要等幾耐?

病人抵達急症室後,會由富經驗同接受過特別培訓嘅護士,對病人嘅病情作出初步評估,分流護士會根據病情將病人分為5類:

  • 危殆
  • 危急
  • 緊急
  • 次緊急
  • 非緊急

分流為危殆嘅病人唔駛再等,會即時獲得醫護人員治理。非緊急嘅病人就可能要等較長時間。根據2019年7月18日晚上11時15分嘅資料,屯門醫院嘅參考等候時間超過3個鐘,可按此查閱最新輪候時間。

3. 家中有經濟困難,可唔可以申請經濟援助?

可以。如果本身領取綜援,只需於每次登記求診時通知職員可以豁免醫療費用,並出示身份證明文件,經職員確認後,即可獲豁免公營醫療服務收費。

如果冇領取綜援,亦可以喺確認符合特定資格同通過經濟審查後,申請公立醫院及診所費用減免撒瑪利亞基金關愛基金醫療援助項目

資料來源
分享
本文章內容由 Bowtie 團隊 提供並只供參考,不代表 Bowtie 立場,Bowtie 對任何人因使用或誤用任何信息或內容,或對其依賴而造成的任何損失或損害,不承擔任何責任。

相關文章

那打素醫院 那打素醫院
醫院百科

那打素醫院

天水圍醫院 天水圍醫院
醫院百科

天水圍醫院

【精神科】睇公立醫院要等幾耐?邊間私家醫院有病房? 【精神科】睇公立醫院要等幾耐?邊間私家醫院有病房?
醫院百科

【精神科】睇公立醫院要等幾耐?邊間私家醫院有病房?

想了解更多資訊或優惠,
歡迎透過表格聯絡我們。
其他話題

客戶服務熱線

3008 8123
WhatsApp 對話

熱線及中心服務時間

星期一至五:上午 9 時至下午 7 時
星期六:上午 10 時至下午 2 時
星期日及公眾假期休息

電郵查詢

cs@bowtie.com.hk

© 2020 保泰人壽保險有限公司。版權所有。

我們檢測到您的瀏覽器已經過時。如要得到最佳的瀏覽體驗,請更新或使用其他瀏覽器。 知道了