公立醫院百科
公立醫院百科 威爾斯親王醫院沙田
威爾斯親王醫院（Prince of Wales Hospital）（簡稱︰威院），係一間位於沙田銀城街嘅公立醫院。
查看基本資料
交通
| 專線小巴 | 804、808、811、813 |
| 地鐵 | 馬鞍山線第一城站 |
| 巴士 | 73A、80K、82K、84M、85A、86、89X |
醫療服務及收費
服務範圍 | |
24小時急症服務 | |
| 專科服務包括︰麻醉科（包括深切治療）、解剖及細胞病理科、化學病理科、內鏡中心、放射診斷影像科、耳鼻喉科、家庭醫學、內科及藥物治療科、微生物科、婦產科、臨床腫瘤科（包括放射治療）、創傷及矯形外科、眼科及視覺科學、兒科、精神科、外科 | |
公立醫院沿用統一收費準則，按此查看收費詳情。
專科門診穩定新症輪候時間
| 專科 | 輪候時間（中位數） |
| 耳鼻喉科 | 約10個月 |
| 眼科 | 約9個月 |
| 婦科 | 約1.2年 |
| 內科 | 約1.6年 |
| 骨科 | 約1.6年 |
| 兒科 | 約3個月 |
| 精神科 | 約10個月 |
| 外科 | 約9個月 |
- 註以上輪候時間為2018年7月1日至2019年6月30日之參考資料。
2018/19年度威院統計數字
| 病人類別 | 項目 | 數目 |
| 住院及日間病人 | 出院及死亡人次 | 182,996 |
| 病人日數目 | 499,692 | |
| 平均住院日數 | 5.2 | |
| 手術宗數 | 45,717 | |
| 急症室 | 總求診人次 | 143,598 |
| 門診病人 | 臨床服務總求診人次 | 853,806 |
| 專職醫療服務總求診人次 | 228,225 |
全方位婦產科服務
威爾斯親王醫院喺1984年聯同香港中文大學婦產科學系成立香港中文大學產科及胎兒醫學中心。中心嘅醫療團隊有多年產科臨床經驗，而中心主管梁德楊教授唔單止有有超過25年產科同胎兒醫學專科工作經驗，更因為一直處理複雜產科問題，加上創新嘅產科同胎兒研究工作而聞名。
中心提供全面嘅產前篩查、診斷測試同接生胎兒服務，亦為高危孕婦提供特殊照顧同治療，包括：雙胎妊娠、早產懷孕、異常胎兒、需特別照顧同護理嘅產婦。
常見問題
住院前有咩要準備？
病人須自備攜個人日常用品，如漱口盅、牙刷、毛巾、紙巾、濕紙巾、肥皂、拖鞋等。
另外，病人亦須帶備香港身份證或護照及入院紙辦理入院登記手續。如非成年本港居民，或屬公務員及領取公共援助者，可按此瀏覽。
威院嘅急症室要等幾耐？
病人抵達急症室後，會由富經驗同接受過特別培訓嘅護士，對病人嘅病情作出初步評估，分流護士會根據病情將病人分為5類：
- 危殆
- 危急
- 緊急
- 次緊急
- 非緊急
分流為危殆嘅病人唔駛再等，會即時獲得醫護人員治理。非緊急嘅病人就可能要等較長時間。根據2019年7月12日上午11點嘅資料，威爾斯嘅參考等候時間超過8個鐘，按此查閱最新等候時間。
家中有經濟問題，可唔可以申請經濟援助？
可以。如果本身領取綜援，只需於每次登記求診時通知職員可以豁免醫療費用，並出示身份證明文件，經職員確認後，即可獲豁免公營醫療服務收費。
如果冇領取綜援，亦可以喺確認符合特定資格同通過經濟審查後，申請公立醫院及診所費用減免、撒瑪利亞基金同關愛基金醫療援助項目。
這篇文章有用嗎？
7
本文章內容由 Bowtie 團隊 提供並只供參考，不代表 Bowtie 立場，Bowtie 對任何人因使用或誤用任何信息或內容，或對其依賴而造成的任何損失或損害，不承擔任何責任。此文章內任何與 Bowtie 產品相關的內容僅供參考及作教育用途，客戶應參閱相關產品網頁內詳細之條款及細則。
相關文章
