Bowtie

醫院百科

香港邊間私家醫院有精神科病房?

去公立醫院睇精神科門診,動輒要排期一年半載。以初期抑鬱症為例,其實出現病徵後頭3個月係「黃金救治期」,要服藥大約半年去控制病情。倘若拖症拖得太耐,就要增加用藥劑量去處理,咁樣就有機會導致血壓飈升等副作用。
作者 imSure
日期 2019-08-21
更新 2020-09-22
目錄
邊間私院提供精神科住院治療?暫僅港怡設精神科專科病房

邊間私院提供精神科住院治療?

2019年4月1日推出嘅自願醫保計劃食物及衞生局要求基本保障範圍,涵蓋最多$3萬嘅「精神科治療」。受保人喺專科醫生建議下,喺香港境内住院接受精神科治療都可獲得保障,但就唔包括門診同心理輔導等服務。患者買咗自願醫保,可以喺輪候公立醫院以外,有多一個選擇,但問題係:香港有邊間私家醫院提供精神科嘅住院治療呢?

根據香港心理衞生會嘅資料,部分私家醫院,例如播道浸會聖德肋撒醫院等,經私人精神專科醫生轉介,都可以為精神病患者提供住院治療;但根據大公報嘅報道,喺該報再三查證下,發現養和明德雖然設有精神科門診,但就無相關嘅病房;而聖保祿仁安都表示無精神科住院服務。

暫僅港怡設精神科專科病房

縱觀全港私家醫院,暫時只有港怡醫院設有名為「行為健康科」嘅精神科專科病房,提供心理評估、個人輔導、藥物同埋心理行為等治療。有關病房於2月底開設,有8張加入防自殘設計嘅病床,包括防撞軟墊、改短電線同上鎖電掣等安全設備。醫護團隊有1個精神科醫生同十幾個全職專科護士,另外還有3個專科醫生及1個兼職臨床心理學家候命。

該院嘅半私家雙人房每日房租$2,100,以病人通常入院5至7日計,連帶膳食、醫生巡房費同藥費,平均埋單大約$30,000以下,符合自願醫保保障門檻。院方未來會研究設立治療「套餐」,收費同樣不會超過$30,000。

由於自願醫保只包精神科住院,變相令首設精神科病房嘅港怡可享「頭啖湯」。不過要留意返,有關病房初期只接收經專科醫生轉介嘅輕微精神病患者,如抑鬱、焦慮、驚恐、強迫症、早期認知障礙、早期思覺失調同飲食失調等人士;有嚴重暴力或自殺傾向,以及狂妄症等重症病人,港怡基於人手不足,暫不接收。

精神科病人接受日診同心理輔導,未必需要入院,但喺專科醫生建議下接受住院治療,或可脫離致病或壓力源頭,讓醫生盡快判斷病因,喺安全環境下及早對症下藥。自願醫保嘅出現,表面上喺逼爆嘅公立醫院之外,為受保人提供可負擔嘅私家醫院選擇,但市場上又係咪有足夠誘因,吸引更多私家醫院增設精神科專科病房呢?呢個依然係未知之數。故此大家投保或轉保之前,除了比較保單細則,最好要就私院病房數量同收費等因素作出全盤考慮。

原文:【自願醫保】邊間私家醫院有精神科病房?

分享
* 本文章內容由 imSure 提供並只供參考,不代表 Bowtie 立場,Bowtie 對任何人因使用或誤用任何信息或內容,或對其依賴而造成的任何損失或損害,不承擔任何責任。

相關文章

聯合醫院 聯合醫院
醫院百科

聯合醫院

那打素醫院 那打素醫院
醫院百科

那打素醫院

入ICU病房每日收費過萬?了解什麼是深切治療部! 入ICU病房每日收費過萬?了解什麼是深切治療部!
醫院百科

入ICU病房每日收費過萬?了解什麼是深切治療部!

想了解更多資訊或優惠,
歡迎透過表格聯絡我們。
其他話題

客戶服務熱線

3008 8123
WhatsApp 對話

熱線及中心服務時間

星期一至五:上午 9 時至下午 7 時
星期六:上午 10 時至下午 2 時
星期日及公眾假期休息

電郵查詢

cs@bowtie.com.hk

© 2020 保泰人壽保險有限公司。版權所有。

我們檢測到您的瀏覽器已經過時。如要得到最佳的瀏覽體驗,請更新或使用其他瀏覽器。 知道了