精神科治療保障有幾緊要？拆解自願醫保亮點！

都市人容易受情緒困擾，隨住近年唔少名人分享過往經歷，社會上愈來愈多人關注自己同家人嘅情緒健康，希望透過預防同治療尋找解決方法。精神病如果能夠盡早求醫，康復機會係可以大增。

不過，香港能夠承保精神健康嘅醫療保險可以話係少之又少，而GoBear 就發現，喺2019年4月推出嘅自願醫保計劃，就精神科住院治療可以提供每年上限$30,000嘅保障，可以話係市場上少有能夠提供精神健康保障嘅保險。

香港近100萬人患有精神病

精神病係指某部分大腦受損，令人產生認知功能、思想、情緒、感官、行為、生理功能（如睡眠或食慾）嘅異常，並影響個人生活各方面嘅表現。精神失常、老人心理或者精神病變、各種抑鬱症、焦慮、厭食症、飢餓症、精神分裂，以及其他行為失常，都喺精神病範圍以內。

都市人要面對工作、家庭、財政等壓力，容易對情緒健康帶嚟負面影響。世界衛生組織預期2020年，抑鬱症將會成為第2號殺手，僅次於心血管疾病。

香港政府曾經委託兩間大學進行精神健康普查，發現本港患有一般精神病嘅普遍率係13.3%，以700萬人口推算，患有精神困擾嘅人士大約有近100萬人，其中以混合型焦慮抑鬱症、廣泛性焦慮症同抑鬱症最普遍。

同其他器官嘅疾病一樣，絕大部分嘅精神病都可以透過適當嘅治療而康復。不過，公立醫院資源緊張，根據調查，喺醫管局接受精神健康治療嘅人士，由2011年18萬多名升到2016年嘅22萬多名，住院病人1年就已經有14,700名，數字仲每年遞增緊，精神科門診最長要排2年半先有得睇，隨時錯失治療良機。

如果要依賴私家醫院治療，一份能夠保障精神健康嘅保險非常重要，但市面上大部份保險產品將精神病列為不保項目，就算一啲輕微嘅情緒病，例如神經衰弱、抑鬱失眠、焦慮症等亦都唔能夠承保。

市面上有保險公司針對市場，推出個別設有精神健康保障嘅產品，但精神科治療一項會較為嚴格，受保年齡有額外限制（一般只受保至中年），當受保人成為長者嗰陣，精神病治療就會不獲保障。

針對都市人嘅精神健康，自願醫保提供精神健康保障，受保人只要喺專科醫生建議下，喺本地醫院嘅精神科病房中留醫嘅相關費用，都可以索償，而且每年度上限達到$30,000。

而自願醫保保證續保到100歲，精神科治療亦未設有額外年齡限制，就算踏入暮年，都可以獲得相關保障。

實際運作上，精神科治療同非精神科治療未必能夠明確分開索償，所以自願醫保文件列明，一旦精神科治療同非精神科治療未能明確攤分費用嘅話，如果最初導致住院嘅原因係同精神科治療有關，有關合資格費用就會全數由精神科治療保障中賠償；如果精神科治療並唔係最初導致住院嘅原因，咁有關合資格費用就會按照一般住院處理。

作者簡介：

GoBear是個簡單易用而又覆蓋全面的理財產品比較網站，由保險、信用卡到貸款等等，隨時隨地幫你睥實好價，產品詳情幾秒鐘一目了然，讓你用最短時間，挑選出最啱自己心水的產品。

Bowtie為幫助客戶填補醫療保險賠償不足的「尾數」缺口，特別設計全港首創的BowtieCash獎賞計劃！按此了解更多。

2019年11月30日前，成功投保Bowtie自願醫保，並於付款前輸入優惠碼「BOWTIE」，可獲$3,000 BowtieCash！

*本文章內容由GoBear提供並只供參考，不代表Bowtie 立場，Bowtie對任何人因使用或誤用任何信息或內容，或對其依賴而造成的任何損失或損害，不承擔任何責任。