2018年7月,政府公佈嘅<<香港的個人醫療保險研究簡報>>顯示,個人醫保人均保費由2006年嘅$2,345大幅飆升至2016年嘅$4,365,10年間加幅達86%!究竟點解保費會加得咁勁?

1.醫療通

醫保加價其中一個重要因素係「醫療通脹」。2017年全年基本通平均為1.6%,但Willis Tower Watson嘅2018全球醫療趨勢研究發現,2017年醫療成本通竟然達到9%。咁究竟醫療通係啲咩?

簡單咁講,醫療通即係醫療服務費上升,保險公司會參考呢個指標,檢討醫療保險保費。只要我哋睇睇私家醫院收費,就知道點解醫療通咁勁喇!
私家醫院收費年年加價
早於2011年,由於內地來港病人大幅增加,導致私家醫院供求嚴重失衡,加價自然在所難免。消委會嘅調查發現,個別私家醫院當年嘅自然分娩套餐(包括嬰兒護理)收費加幅達48.9%。

明報亦曾報導,於2017年,7間私家醫院嘅門診醫生及病房等收費加幅由5.3%至42.9%不等。

其次,香港醫療成本亦會受外匯波幅因素影響,由於本港醫療設備絕大部分從歐美國家入口,外幣升值自然令入口成本上漲。

另外,現今醫學愈來愈先進,藥物研發成本亦隨之上升,新藥同「靚藥」(特別係標靶藥)自然愈來愈貴,藥廠定期加價就變咗常態喇。

相關文章︰【12間私家醫院病房收費比較】每日最平$120?最貴$45,000!

相關文章︰【手術費2019】比較香港私家醫院常見手術收費及套餐價錢!

2.風險池健康程度

除咗醫療通呢個大環境因素,保險公司「把關」得好唔好都會影響整體保單嘅保費,如果保險公司核保過鬆,導致大量醫療索償,相關成本支出就會轉嫁去你張保單度喇。

個Logic 好簡單,保險公司核保寬鬆嘅話,唔健康嘅投保人就會買到同你一樣嘅醫療保險,公司會將你同其他唔健康人士放喺同一個風險池(risk pool)。

極端啲咁假設,你同另外29個人每年交嘅總保費係$30萬,當中10個人總共Claim咗$100萬,咁個風險池咪變咗「入不敷支」,保險公司自然要加價,變相你就需要分擔埋,高健康風險嘅人正常需要擔嘅保費加幅喇

風險池

3.索償政策

同樣地,「羊毛出自羊身上」,唔好以為保險公司嘅理賠政策寬鬆就一定好,因為公司可能會將相關支出計落個風險池嘅下年度保費之上。

當受保人嘅身體出現某個病症,醫院為求「穩陣」,有時會鼓勵病人做多幾個相關檢查,CT、PET、 MRT呢啲統統都要錢。雖然經醫生診斷過後,發現檢查合理嘅話,保險係有得Claim,但Check得愈多,Claim得愈多,下年保費咪會貴咗囉。

相反,自願醫保原意就係鼓勵市民防患於未然。假設自願醫保投保人去求診,醫生有合理懷疑轉介病人去做訂明診斷成像檢測,即係電腦斷層掃描(“CT”掃描)、磁力共振掃描(“MRI”掃描)、正電子放射斷層掃描 (“PET”掃描)、PET–CT 組合或 PET–MRI 組合,投保人只需要支付30%費用,就可以得到每年度最高$20,000保障限額。

相關文章︰Claim 保險都有時限?即睇醫療保險索償必讀6大Q&A!

4.受保人年紀及健康

受保人年紀影響保費
相信好多人都聽過愈遲買保險就愈貴,皆因保險公司會因應年齡估算每年保費,當你買張單嘅時候,已經會知道未來嘅保費預算。

不過,有時加保費未必純粹因為年齡增長,亦可能因為你嘅健康惡化,或者同你一個Pool嘅人健康差咗,導致整體Claim多咗錢而加價。

健康狀況唔單止會影響保費價錢,如果太唔健康,想買份醫保都可能買唔到,立即了解什麼是核保(underwriting)

相關文章︰香港醫療保險分邊幾種?比較6大香港醫保特點!

香港首間純網上保險公司Bowtie 現已推出自願醫保–靈活計劃,月費最平低至$200*,現時成功投保更可獲限時優惠,即用Bowtie保費計算機進行初步報價!

註︰以上計算的保費僅供參考,你實際需要繳交的保費受時間、通脹、核保等因素影響,並需加上保險業監管局徵收的保費徵費,請下載並查閱標準保費表 (標準 / 靈活「基本」 / 靈活「升級」)

*以25歲非吸煙男性靈活計劃為例,每月保費為$183。

*本文章內容由Bowtie資訊團隊提供並只供參考,Bowtie 對任何人因使用或誤用任何信息或內容,或對其依賴而造成的任何損失或損害,不承擔任何責任。

FacebookWhatsAppWeChat